قازاقستان ستاندارتتاۋ جانە مەترولوگيا ينستيتۋتى «كازستاندارت» اباي, جەتىسۋ, ۇلىتاۋ وبلىستارى اكىمدىكتەرىنىڭ جانە ESG ۇلتتىق كلۋبىنىڭ وكىلدەرىمەن كەڭەس وتكىزدى. كەڭەس بارىسىندا ISO 37120 «تۇراقتى قالالار مەن قاۋىمداستىقتار. قالادا كورسەتىلەتىن قىزمەتتەر مەن ءومىر ءسۇرۋ ساپاسىنىڭ كورسەتكىشتەرى» دەپ اتالاتىن سەريالى ستاندارتتار ارقىلى حالىقتىڭ ءومىر ءسۇرۋ ساپاسىن جاقسارتۋ مۇمكىندىكتەرى تالقىلاندى.
ستاندارت ادامنىڭ ءومىر ءسۇرۋ ساپاسىنا اسەر ەتەتىن 120-دان استام كورسەتكىشتى, سونىڭ ىشىندە دەنساۋلىق ساقتاۋ, ءبىلىم بەرۋ, سپورت جانە مادەنيەت, تەلەكوممۋنيكاتسيا, كولىك, قالا قۇرىلىسى, سۋ جانە ت.ب. بويىنشا كورسەتكىشتەردى قامتيدى.
ءومىر ءسۇرۋ ساپاسى ستاندارتتارىن ەنگىزۋ ۋاقىت وتە كەلە حالىقتىڭ وزگەرىپ وتىراتىن قاجەتتىلىكتەرىن قاداعالاۋعا, اسا ماڭىزدى الەۋمەتتىك پروبلەمالاردى ايقىنداۋعا, ولاردى شەشۋگە قاتىسۋعا, الەۋمەتتىك-ەكونوميكالىق كورسەتكىشتەردى ارتتىرۋ بويىنشا ماقساتقا ساي باعىتتالعان ءىس-قيمىلداردى جۇزەگە اسىرۋعا, باسىم باعىتتاردى اجىراتا بىلۋگە جانە اقشا قاراجاتىن ماقساتقا ساي بولۋگە, سونداي-اق ولاردىڭ پايدالانىلۋىن باقىلاۋعا مۇمكىندىك بەرەدى.
«بۇگىنگى تاڭدا ءاربىر تۇرعىن قاۋىپسىز جانە جاڭا دايىندالعان تاماق ونىمدەرىن الۋعا, وزدەرىنە ساپالى قىزمەتتەر كورسەتىلۋىنە مۇددەلى. بۇل كورسەتكىشتەردىڭ بارلىعى ستاندارتتاردا بار. ەڭ باستىسى, قازىر بىرلەسكەن كۇش-جىگەرمەن قازاقستاننىڭ بارلىق وڭىرلەرىندە وسى ستاندارتتاردى ەنگىزۋدى قامتاماسىز ەتۋ», دەپ اتاپ ءوتتى كازستاندارتتىڭ باس ديرەكتورى ع.مۇحامبەتوۆ.
ESG ۇلتتىق كلۋبىنىڭ وكىلدەرى ISO 37 120 بويىنشا ءومىر ءسۇرۋ ساپاسىنىڭ كورسەتكىشتەرىن ەسەپتەۋ كەزىندەگى وزگەشەلىكتەر مەن قيىندىقتار تۋرالى, وسى جۇمىسقا قاتىسۋعا دايىن ەكەندىكتەرى تۋرالى ءوز ويلارىن ءبىلدىردى.
كەڭەس قورىتىندىسى بويىنشا الماتى وبلىسىندا, سونداي-اق اباي, جەتىسۋ, ۇلىتاۋ وبلىستارىندا وسى وبلىستار اكىمدىكتەرىنىڭ, ESG ۇلتتىق كلۋبىنىڭ وكىلدەرىنەن ISO 37 120 ەنگىزۋ بويىنشا جۇمىس توپتارىن قۇرۋ تۋرالى شەشىم قابىلداندى, ولار اتالعان وبلىستاردىڭ حالقىنىڭ ءومىر ءسۇرۋ ساپاسىنىڭ ناقتى جاي-كۇيى بويىنشا ەسەپتەۋ جۇرگىزەدى جانە ولاردى جاقسارتۋ جونىندە ۇسىنىمدار ازىرلەيدى.
ەسكە سالا كەتسەك, مەملەكەت باسشىسى 2022 جىلعى 11 قاڭتاردا قازاقستان رەسپۋبليكاسى پارلامەنتى ءماجىلىسىنىڭ وتىرىسىندا سويلەگەن سوزىندە قازاقستان حالقىنىڭ ءال-اۋقاتى مەن ءومىر ءسۇرۋ ساپاسىن قامتاماسىز ەتۋ مىندەتىن قويعان بولاتىن. قويىلعان مىندەتكە قول جەتكىزۋ ماقساتىندا قازاقستان رەسپۋبليكاسى ۇكىمەتىنىڭ 2022 جىلعا ارنالعان ءىس-قيمىل باعدارلاماسى (قازاقستان رەسپۋبليكاسى ۇكىمەتىنىڭ 2022 جىلدىڭ 25 ساۋىرىندەگى № 241 قاۋلىسى), سونداي-اق ونى ىسكە اسىرۋ جونىندەگى ءىس-شارالار جوسپارى قابىلداندى. وسى جوسپاردا «ەكونوميكاداعى تەحنيكالىق رەتتەۋدىڭ ءرولى مەن فۋنكتسيالارىن كۇشەيتۋ ارقىلى تاۋارلاردىڭ, جۇمىستار مەن كورسەتىلەتىن قىزمەتتەردىڭ ساپاسىن, سونداي-اق حالىقتىڭ ءومىرى مەن دەنساۋلىعىنىڭ قاۋىپسىزدىگىن ارتتىرۋ» دەپ اتالاتىن 33-تارماعى قامتىلعان.