وڭتۇستىك استانادا بيزنەس-قوعامداستىق, مەملەكەتتىك ورگاندار, «اتامەكەن» ۇلتتىق كاسىپكەرلەر پالاتاسى وكىلدەرىنىڭ قاتىسۋىمەن تۋريزم جونىندەگى سالالىق كوميتەتتىڭ العاشقى وتىرىسى ءوتتى.
«اتامەكەن» ۇكپ باسقارما توراعاسىنىڭ ورىنباسارى تيمۋر ناقىپبەكوۆ ۇلتتىق پالاتانى ترانسفورماتسيالاۋ اياسىندا وڭىرلەردىڭ ەرەكشەلىگىن ەسكەرە وتىرىپ, سالالىق كوميتەتتەر قۇرىلاتىنىن اتاپ ءوتتى. كوميتەتتەردىڭ ماقساتى – بيزنەستەن سالالىق ساراپتامانى كۇشەيتۋ, سالالاردى دامىتۋ باعدارلامالارىن دامىتۋ. الماتىدا تۋريزم جەلىسى بويىنشا ءبىرىنشى سالالىق كوميتەتتىڭ قىزمەتى باستالدى. كوميتەتتەردى قۇرۋ باستاماسى ۇكپ-نىڭ ح سەزىندە قولداۋ تاپتى.
«مەملەكەت باسشىسى تۋريستىك ينفراقۇرىلىمدى دامىتۋ, شەتەلدىك ينۆەستورلاردى تارتۋ جانە ەلدىڭ بۇكىل ەكونوميكاسىن دامىتۋ ءۇشىن قاجەتتى تۋريزم سالاسىنداعى بىرلەسكەن جوبالاردى ىسكە قوسۋعا قاجەتتى جاعداي جاساۋدىڭ ماڭىزىن ەرەكشە اتاپ ءوتتى. وكپ الاڭىندا كوميتەت قۇرۋ تۋرالى باستامانى قىركۇيەكتە بيزنەس-قوعامداستىقپەن كەزدەسۋدە الماتى قالاسىنىڭ اكىمى جانە ۇكپ تورالقا توراعاسى قولدادى. سالالىق كوميتەتتەردى قالىپتاستىرۋ بويىنشا جۇمىس بۇكىل رەسپۋبليكا بويىنشا جۇرگىزىلەدى», دەپ اتاپ ءوتتى ت.ناقىپبەكوۆ.
سپيكەردىڭ ايتۋىنشا, قازىر ۇلتتىق پالاتادا شاعىن جانە ورتا بيزنەسكە ەرەكشە نازار اۋدارىلىپ جاتىر. ال كوميتەت جانىنان قۇرىلعان وڭىرلىك الاڭدار تۋريستىك سالاداعى بيزنەستىڭ بىرلەستىگى رەتىندە قىزمەت ەتەدى. مىندەتتەردى ءتيىمدى ىسكە اسىرۋ ءۇشىن پالاتا كليەنتكە باعدارلانۋعا جانە بيزنەس ماسەلەلەرىن شەشۋگە باسىمدىق جاسادى. سونداي-اق مەملەكەتتىك ورگاندارمەن تىعىز جۇمىستى كۇشەيتۋدى جوسپارلانعان. «اتامەكەن» بيزنەس ءۇشىن بىلىكتىلىك پەن ساراپتاما ورتالىعىنا اينالادى.
تۋريزم سالاسىنداعى كوميتەت الماتى قالاسىنىڭ كاسىپكەرلەر پالاتاسى جانىنان جۇمىس ىستەيدى. ونىڭ ماقساتى – قالاداعى تۋريزم سالاسىنىڭ دامۋىنا ىقپال ەتۋ. بۇدان باسقا الاڭدا سالالىق دامۋ باعدارلامالارى, ينۆەستيتسيالىق جوبالار, ءادىسناما, وڭىرارالىق جانە سالاارالىق ىنتىماقتاستىق ماسەلەلەرى, سالانىڭ تۇيتكىلدى ماسەلەلەرىنىڭ ءتىزىلىمى تالقىلانادى.
«بۇل گۋمانيتارلىق ورگان, نەگىزگى جۇمىسىمىزدان ۋاقىت بولۋگە تۋرا كەلەدى. بىراق ونىڭ جۇمىسىنا جۇمىلۋىمىز كەرەك. مەن قولدانبالى قىزمەت, پراكتيكالىق قادامدار ءۇشىن داۋىس بەرەمىن. كوميتەت وتىرىستارىندا قولدانبالى ماسەلەلەر تۋرالى سويلەسەيىك», دەدى راشيدا شايكەنوۆا.
الماتى قالاسى وكپ وڭىرلىك كەڭەسىنىڭ توراعاسى ماكسيم بارىشەۆ سالا دامىسا تابىستى قالا عانا ەمەس, بۇكىل ەل الاتىنىن ايتتى.
«جاز كەزىندە ەلگە كەلگەن تۋريست ورتا ەسەپپەن تاۋلىگىنە 50 دوللار, قىستا ورتا ەسەپپەن تاۋلىگىنە 250 دوللار اكەلەدى. ءتۋريزمدى دامىتۋ بىزگە قارجى اعىنىن اكەلەتىن باعىت, مۇنى ءبىز نارىقتىڭ كاسىپقويلارى رەتىندە جۇمىستا ىسكە اسىرا الامىز», دەدى م.بارىشەۆ.
Kaz Alpine club باسقارما توراعاسى تيمۋر دۇيسەنعاليەۆ باستامانى قولداپ, كوميتەت كومانداسى جاقىن ارادا ءىس-شارالار تىزبەسىن ۇسىنىپ, جاڭا ورگاننىڭ جۇمىس ساياساتىن قالىپتاستىرۋعا ءتيىس ەكەنىن اتاپ ءوتتى.
ء«بىز جۇمىسقا دايىنبىز. ەندى وكپ ءبىزدىڭ سالامىزدىڭ ءتۇرلى سالاداعى بيزنەسپەن ناقتى ءوزارا ءىس-قيمىل تەتىگىن پىسىقتاۋى ماڭىزدى. ويتكەنى ءبىز ءوز تاجىريبەمىزدە ۋاقىت وتە كەلە جۇمىس ىستەمەيتىن ونداعان كەڭەس پەن كوميتەتتى كوردىك. ەگەر ءبىزدى شىنىمەن تىڭداي باستاپ, ساراپتامالىق پىكىرىمىزدىڭ نەگىزىندە زاڭعا تاۋەلدى اكتىلەرگە وزگەرىستەر ەنگىزە باستاسا, وندا ءبىز ناقتى جۇمىس ىستەي باستايمىز», دەدى ول.
قازاقستان قولونەرشىلەرى وداعىنىڭ توراعاسى ايجان بەكقۇلوۆا تۋريزم سالاسىنداعى قولونەرشىلىكتىڭ ۇلكەن ءرولىن اتاپ ءوتىپ, قولونەردى كادەسىيلار ءوندىرۋ ورتالىعى رەتىندە ەمەس, سالانىڭ ءوزىن-ءوزى قامتاماسىز ەتەتىن باعىت رەتىندە قاراۋعا شاقىردى.
الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ كوميتەت جۇمىسىنىڭ تۇجىرىمداماسىن ۇسىندى.
«قالادا ەتنوتۋريزمنەن باستاپ ىسكەرلىك فورۋمدار مەن كورمەلەرگە دەيىن اۋقىمدى سالا ۇسىنىلعان. سونىمەن قاتار سالانى ودان ءارى دامىتۋ ءۇشىن بىرلەسە شەشەتىن كوپتەگەن ماسەلە بار. كوميتەت جۇمىسى قالادا تۋريزم سالاسىن دامىتۋدا زور ماڭىزعا يە», دەپ اتاپ ءوتتى ا.قوشمامبەتوۆ.
كوميتەتتىڭ كەلەسى وتىرىسىندا بارلىق تاراپتىڭ قاتىسۋىمەن جۇمىس جوسپارى بەكىتىلەدى. كاسىپكەرلەر كوميتەتتىڭ تۇراقتى جۇمىسى ەلىمىزدىڭ تۋريستىك سالاسىن دامىتۋدىڭ 2019-2025 جىلدارعا ارنالعان مەملەكەتتىك باعدارلاماسىن ىسكە اسىرۋدى جاقسارتۋعا كومەكتەسەتىنىنە سەنىمدى. باعدارلاما ەلدىڭ ءىجو-دەگى تۋريزم ۇلەسىن 2025 جىلعا قاراي 8%-عا دەيىن جەتكىزۋگە ءتيىس.