رف استاناسىنداعى كومسومول الاڭىندا ورنالاسقان گۇل قويماسىنان ءورت شىعىپ, سالدارىنان 6 ادام قايتىس بولدى, دەپ جازادى Egemen.kz.
قويمادان ءورت شىققانى تۋرالى حابار 20 قاراشا كۇنى جەرگىلىكتى ۋاقىت بويىنشا ساعات 15:13-تە تاراعان.
ءورت سوندىرۋشىلەر عيماراتتان 7 ادامدى الىپ شىققان. ءورت سالدارىنان ءبىرىنشى جانە ەكىنشى قاباتتىڭ اراسىنداعى قابىرعالار قۇلاپ, جالىن 2,5 مىڭ شارشى مەتردى شارپىپتى. عيمارات وقشاۋلانىپ, كەيىن ءتىلسىز جاۋ اۋىزدىقتالعان.
رەسەيدىڭ توتەنشە جاعدايلار مەملەكەتتىك مەكەمەسىنىڭ ءباسپاسوز قىزمەتى العاشىندا ورتتەن مەرت بولعاندار سانى 4 ادام دەپ كورسەتكەن. ارتىنشا تاعى ءبىر ادامنىڭ زارداپ شەككەنىن حابارلادى.