پرەزيدەنتتىك سايلاۋ – كەز كەلگەن ەلدىڭ ساياسي ءومىرى ءۇشىن ماڭىزدى وقيعا. سوندىقتان ونى جۇزەگە اسىرۋدىڭ ەرەجەلەرى مەن نورمالارى كونستيتۋتسيادا جانە زاڭداردا بەكىتىلەدى. سايلاۋدى ۇيىمداستىرۋ مەن وتكىزۋدى, سونداي-اق داۋىس ساناۋدى سايلاۋ كوميسسيالارى جۇزەگە اسىرادى.
جالپى سايلاۋ تەتىگى حالىقارالىق دەڭگەيدە دە, قازاقستاندا دا الدەقاشان پىسىقتالعان. بۇگىنگى سايلاۋ دا وزگەشە ەمەس. داۋىس بەرۋ ۇدەرىسىنە ورتالىق سايلاۋ كوميسسياسى, مەملەكەتتىك ورگاندار مەن ازاماتتار جاۋاپتىلىقپەن قارايدى. سايلاۋدى ۇيىمداستىرۋ جۇمىستارى حالىقارالىق ستاندارتتار مەن زاڭنامالىق نورمالارعا تولىعىمەن سايكەس جۇرگىزىلگەنىن اتاپ وتكەن ءجون.
2022 جىلى پرەزيدەنتتىك سايلاۋلار فيليپپين, فرانتسيا, برازيليا, كولۋمبيا, سلوۆەنيا, اۋستريا جانە باسقا دا ەلدەردە ءوتتى. سايلاۋ كەزىندە ءار ازاماتتىڭ داۋىسى ماڭىزدى. مىسالى, فرانتسياداعى سايلاۋدا ەمانۋەل ماكرون 58,55% داۋىس جيناسا, ونىڭ قارسىلاسى مارين لە پەن 41,45 پايىز داۋىس جينادى. ال برازيليا پرەزيدەنتى لۋلا دا سيلۆا 50,9 پايىز داۋىس جيناپ, قارسىلاسى جاير بولسونارۋدان نەبارى 1,8 پايىز عانا ارتىقشىلىققا يە بولدى. جاھاندىق ۇردىسكە سايكەس ءاربىر ازاماتتىڭ داۋىسى ماڭىزدى بولىپ وتىر.
حالىق دەر كەزىندە دۇرىس جانە سانالى تاڭداۋ جاساۋ ءۇشىن ەلدىڭ ساياسي ءومىرىن مۇقيات قاداعالاۋى قاجەت. قازىرگى سايلاۋ تسيكلى قازاقستاندىقتاردىڭ سايلاۋعا جاۋاپتى ەكەنىن كورسەتىپ وتىر. بۇل – پرەزيدەنت سايلاۋىنا دا, اۋىل اكىمدەرىنىڭ سايلاۋىنا دا قاتىستى ۇستانىم. قازىرگى تاڭدا قازاقستاننىڭ ساياسي مادەنيەتى ترانسفورماتسيا مەن جاڭارۋدىڭ ماڭىزدى كەزەڭىنەن ءوتىپ جاتىر دەپ سەنىممەن ايتۋعا بولادى.
ەركىن تۇقىموۆ,
پرەزيدەنت جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى