جۋىردا عانا الەۋمەتتىك جەلىنىڭ جۇلدىزىنا اينالعان اقتاۋلىق ەگىزدەر قاسىم مەن جومارتتىڭ اتا-اناسى دا ءوز تاڭداۋلارىن جاسادى. ولار اقتاۋداعى №8 مەكتەپتە ورنالاسقان سايلاۋ ۋچاسكەسىندە داۋىس بەردى, دەپ جازادى Egemen.kz.
ەگىزدەردىڭ اكەسى ەرلان ماۋلەنوۆ ەلدە بولىپ جاتقان ساياسي ناۋقانعا ءۇن قاتۋدى ازاماتتىق پارىز دەپ سانايدى.
- مەن قازاقستان رەسپۋبليكاسىنىڭ ازاماتى رەتىندە وسىنداي تاريحي كەزەڭدە شەت قالماۋعا شەشىم قابىلدادىم. بۇگىن, مىنە جۇبايىممەن بىرگە اقتاۋداعى №8 ۋچاسكەگە كەلىپ, ءوز تاڭداۋىمىزدى جاسادىق. بۇگىنگى كۇن – بولاشاقتى ايقىندار تاريحي كەزەڭ. ءبىز وسىنداي ساياسي ناۋقاندارعا قاتىسۋ ارقىلى ەلىمىزدىڭ بۇگىنى مەن ەرتەڭى ءبىزدىڭ قولىمىزدا ەكەنىن, بولاشاق ۇرپاق ءۇشىن جاۋاپكەرشىلىك الاتىنىمىزدى كورسەتەمىز. بالالارىمىز - قاسىم مەن جومارتتى ەرتە كەلدىك. سەبەبى, ارتىمىزدان ەرگەن ۇرپاعىمىزعا وسىنداي تاريحي ساتتەرگە جاۋاپكەرشىلىكپەن قاراۋعا ۇيرەتۋىمىز كەرەك. وتانداستارىمىزعا ەلدىڭ تىنىشتىعى, ءار وتباسىنىڭ اماندىعىن تىلەيمىن, - دەيدى ەرلان ماۋلەنوۆ.
ايتا كەتەيىك, قاسىم مەن جومارت ماۋلەنوۆتەر 2009 جىلى دۇنيەگە كەلگەن. ەگىزدەرگە بۇل ەسىمدى اجەسى قويعان. ولار ءۇيدىڭ ۇلكەنى. اقتاۋداعى №11 ليتسەيدىڭ 8 سىنىبىندا وقيدى. ەگىزدەر بىرنەشە تىلدە ەركىن سويلەيدى. بولاشاقتا ديپلومات بولۋدى ارماندايدى.