استاناداعى سايلاۋ ۋچاسكەسىندە العاشقىلاردىڭ ءبىرى بولىپ قورعانىس ۆەدومستۆوسىنىڭ باسشىسى گەنەرال-پولكوۆنيك رۋسلان جاقسىلىقوۆ داۋىس بەردى, دەپ حابارلايدى Egemen.kz.
قورعانىس ءمينيسترى ەڭ ماڭىزدى قوعامدىق-ساياسي وقيعا – پرەزيدەنت سايلاۋىنا قاتىسۋ – بارلىق قازاقستاندىقتاردىڭ ازاماتتىق مىندەتى ەكەنىن اتاپ ءوتتى.
– قازىرگى ۋاقىتتا اسكەري بولىمدەر مەن مەكەمەلەر اۋماعىنداعى 20 سايلاۋ ۋچاسكەسىندە مەرزىمدى قىزمەتتەگى ساربازدار مەن كۋرسانتتار داۋىس بەرىپ جاتىر. قارۋلى كۇشتەردەن بارلىعى 130 مىڭعا جۋىق اسكەري قىزمەتشى, ازاماتتىق پەرسونال جانە ولاردىڭ وتباسى مۇشەلەرى داۋىس بەرۋگە قاتىسۋدا, – دەدى گەنەرال-پولكوۆنيك رۋسلان جاقسىلىقوۆ.
سايلاۋ – قازىرگى دەموكراتيالىق مەملەكەتتىڭ ماڭىزدى ينستيتۋتى. بۇل پروتسەستە ەلدىڭ اسكەري قاۋىپسىزدىگى مەن اۋماقتىق تۇتاستىعىن قامتاماسىز ەتۋدىڭ ماڭىزدى مىندەتىن ورىندايتىن ءار اسكەري قىزمەتشىنىڭ داۋىس بەرۋى ماڭىزدى.