قوعامدىق ءتارتىپ پەن قاۋىپسىزدىكتى قامتاماسىز ەتەتىن ۇلتتىق ۇلان ساپىنا جىل سايىن ون مىڭداعان بوزبالا كەلىپ, وتان الدىنداعى ازاماتتىق بورىشىن وتەيدى. استانا ىرگەسىندەگى 5573 اسكەري ءبولىمىنىڭ وزىنەن جىل سايىن ەلىمىزدىڭ تۇكپىر-تۇكپىرىنەن كەلگەن ءبىر جارىم مىڭداي جاس سارباز ەلىنە قورعان بولار رۋحى مىعىم ازامات بوپ تۇلەپ شىعادى, دەپ جازادى Egemen.kz.
18 قاراشا كۇنى ۇلتتىق ۇلاننىڭ استانالىق اسكەري قالاشىعىندا 2-2021 جىلعى شاقىرىلىم ساربازدارىن قۇرمەتتەۋ كەشى ءوتتى.
ءاربىر ساربازدىڭ اسكەري ءىستى مەڭگەرۋىندە, ناعىز وتان قورعاۋشى بوپ قالىپتاسۋىنا ىقپال ەتكەن ۇلكەن-كىشى كومانديرلەرگە, جىل بويى قولداۋ تانىتقان اتا-انا, جاقىندارىنا دا العىس ءبىلدىردى.
شارا بارىسىندا ساربازدارعا ءوز باتالوندارى تۋرالى ادەمى بەينەروليكتەر, قىزمەت جولدارى مەن دەمالىس ۋاقىتىنداعى قۋانىشتى ساتتەرى تاسپالانعان ەستەلىك سيۋجەتتەر كورسەتىلدى.