«قاراسورا» رەسپۋبليكالىق جەدەل-پروفيلاكتيكالىق ءىس-شاراسىن وتكىزۋ كەزىندە ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى ورەل اۋىلى قمشج باستىعىنىڭ ورىنباسارىمەن جانە كاتونقاراعاي اۋدانىنىڭ پوليتسەيلەرىمەن بىرلەسىپ ەسىرتكى ساقتادى دەگەن كۇدىكپەن بارلىق اۋىلىنىڭ 36 جاستاعى تۇرعىنىن ۇستاعان, دەپ حابارلايدى Egemen.kz.
ءتارتىپ ساقشىلارى جاقىن ماڭداعى ەلدى مەكەننەن 10 شاقىرىم جەردە ورنالاسقان كۇدىكتىگە تيەسىلى ومارتاعا شۇعىل ءتىنتۋ جۇرگىزگەن. وندا سارايدىڭ توبەسىندە جانە ەدەن سورەلەرىندە پوليتسيا قىزمەتكەرلەرى وسىمدىك تەكتەس جاسىل ءتۇستى زاتى بار بىرنەشە بانكا, سومكەلەر مەن قاعاز ورامدارىن تاپقان.
«ساراپتاما قورىتىندىسىنا سايكەس, زات سالماعى 1 كگ 76 گرامم «كەپتىرىلگەن ماريحۋانا» ەسىرتكى قۇرالىنا جاتادى. ۇستالعان ادامعا قاتىستى كەلۋگە مىندەتتەۋ تۇرىندەگى پروتسەستىك ماجبۇرلەۋ شاراسى تاڭدالدى. اتالعان فاكتى بويىنشا قر قك-ءنىڭ 296-بابى 4-بولىگى بويىنشا سوتقا دەيىنگى تەرگەۋ جۇرگىزىلۋدە», دەلىنگەن شقو پد ءباسپاسوز قىزمەتىنىڭ حابارلاماسىندا.