الداعى دەمالىس كۇندەرى, 19-20 قاراشادا, استانادا اۋىل شارۋاشىلىعى ونىمدەرىنىڭ جارمەڭكەسى وتەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
جارمەڭكەگە تاۋار وندىرۋشىلەر قاتىسادى. ولار بىرقاتار تاۋار ءتۇرىن ۇسىنادى. قالا تۇرعىندارىنا ىڭعايلى بولۋى ءۇشىن جارمەڭكە جۇرگەنوۆ, 29 جانە ساۋران, 7 مەكەنجايى بويىنشا ەلوردانىڭ وڭ جانە سول جاعالاۋىندا وتەدى.
جارمەڭكە سەنبى جانە جەكسەنبى كۇندەرى ساعات 10:00-دەن 18:00-گە دەيىن وتەدى. ونىمدەر نارىق باعاسىنان 10-15%-عا تومەن ساتىلادى. مۇنداي جارمەڭكەلەردىڭ باستى ماقساتى – استانالىقتارعا قولجەتىمدى ازىق-ت ۇلىك سەبەتىن جيناۋعا مۇمكىندىك بەرۋ.
ايتا كەتۋ كەرەك, قازاقستان رەسپۋبليكاسىندا اۋىل شارۋاشىلىعى قىزمەتكەرلەرى كۇنى قاراشانىڭ ءار ءۇشىنشى جەكسەنبىسىندە اتالىپ وتەدى. مەرەكە اياسىندا مۇنداي جارمەڭكەلەر قازاقستاننىڭ بارلىق اۋماعىندا جۇزەگە اسىرىلادى.