وتكەن ءتۇنى پەتروپاۆلدا ەلەكتر وقشاۋلاعىش ماتەريالدارىن شىعاراتىن كاسىپورىندا ءورت شىقتى, دەپ حابارلايدى Egemen.kz.
توتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي, تۇنگى ساعات ۇشتەر شاماسىندا «يزوليت» جشس ءبىر قاباتتى تسەحىنىڭ تەحنيكالىق شاحتاسىندا لاكپەن توقىلعان بۇيىمدار مەن ەلەكتر وقشاۋلاعىش ماتەريالدارىن شىعاراتىن قۇرال-جابدىقتار جانىپ كەتكەن.
«تسەح قابىرعالارى بەتون, بيىكتىگى 12 مەتر. ءورتتىڭ جالپى اۋماعى 144 شارشى مەتردى قۇرادى. ءورت ورنىنان ءتورت ادام ەۆاكۋاتسيالاندى. قۇرباندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا», دەدى ءباسپاسوز قىزمەتى.
ءورتتى سوندىرۋگە ءۇش ساعاتقا جۋىق ۋاقىت كەتكەن.