7 قاراشادا «سامۇرىق-قازىنا» قورى «قازمۇنايگاز» ۇلتتىق كومپانياسىنىڭ جاي اكتسيالارىن العاش رەت جاريا تۇردە ساتۋعا ۇسىنىپ, IPO-عا شىعاتىنىن مالىمدەگەن ەدى. ۇكىمەت پەن قوردىڭ شەشىمىنە سايكەس, IPO شەڭبەرىندە قور نارىعىنداعى ينۆەستورلارعا كومپانيانىڭ 5 پايىزعا دەيىنگى ۇلەسىن, ياعني 30 505 974 اكتسيانى ساتۋ ۇسىنىلدى.
– «قازمۇنايگاز» IPO-عا جوعارى وندىرىستىك جانە تۇراقتى قارجىلىق كورسەتكىشتەرمەن كەلدى. الداعى ۋاقىتتا بۇل ناتيجەنى جۇزەگە اسىپ جاتقان جوبالار ەسەبىنەن ودان ءارى جاقسارتۋدى كوزدەپ وتىرمىز. كومپانيانىڭ 100 پايىز اكتسياسى 5,1 ترلن تەڭگەگە باعالاندى. سوندا ءبىر جاي اكتسيانىڭ باعاسى 8 406 تەڭگەدەن اينالادى. اكتسيالاردى بروكەرلەر جانە ولاردىڭ ءموبيلدى قوسىمشالارى, بىرقاتار كوممەرتسيالىق بانكتىڭ ءموبيلدى قوسىمشالارى, AIX بيرجاسىنىڭ Tabys قوسىمشاسى جانە «قازپوشتا» بولىمشەلەرى ارقىلى ساتىپ الۋعا بولادى. 14 قاراشادا IPO اياسىندا روۋدشوۋ باستالدى. جەرگىلىكتى AIX بيرجاسىندا جانە قازاقستان قور بيرجاسىندا ۇسىنىلعان «قازمۇنايگاز» IPO-سىن كەڭىنەن تانىستىرۋ ماقساتىندا وڭىرلەردە جەكە ينۆەستورلارمەن كەزدەسۋلەر وتكىزەمىز, – دەدى استانادا جۋرناليستەرمەن جۇزدەسكەن «قازمۇنايگاز» ۇلتتىق كومپانياسىنىڭ باسقارما توراعاسى ماعزۇم مىرزاعاليەۆ.
ونىڭ پىكىرىنشە, الداعى ۋاقىتتا كومپانيا اكتسيالارىنىڭ 25 پايىزعا دەيىنگى ۇلەسى ەركىن نارىقتا ساتىلۋى ابدەن مۇمكىن.
– ءبىز جەكە تۇلعالار اراسىنداعى وتىمدىلىك نارىعىنا زەرتتەۋ جۇرگىزدىك. بۇگىندە بۇل نارىق 200-400 ملن دوللارعا باعالانىپ وتىر. ازىرشە نارىققا كومپانيا اكتسيالارىنىڭ 5 پايىزعا دەيىنگى ۇلەسىن شىعاردىق. بۇل كورسەتكىش الداعى ۋاقىتتا ءوسۋى ىقتيمال. ياعني ءىرو قورىتىندىسى بويىنشا الداعى ۋاقىتتا نارىققا قوسىمشا اكتسيالار پاكەتىن شىعارۋ يا شىعارماۋ تۋرالى شەشىم قابىلداناتىن بولادى. جالپى, بەلگىلى ءبىر ۋاقىتتا ۇلتتىق كومپانيا اكتسيالارىنىڭ 25 پايىزى ەركىن نارىقتا ساۋدالانۋعا ءتيىس دەگەن تۇسىنىك بار, – دەدى «قازمۇنايگاز» باسشىسى.
ايتپاقشى, «قازمۇنايگاز» ءىرو-سىنىڭ وسىدان بىرنەشە جىل بۇرىنعى «حالىقتىق ءىرو»-دان وزىندىك ايىرماشىلىعى بار. «حالىقتىق IPO» ەڭ الدىمەن وتاندىق ينۆەستورلار ءۇشىن عانا قولجەتىمدى بولدى. اكتسيالاردى ساتىپ الۋعا ينستيتۋتسيونالدى ينۆەستورلار دا مۇمكىندىك الدى. الايدا ءبولۋ كەزىندە ءبىرىنشى كەزەكتە جەكە ينۆەستورلارعا باسىمدىق بەرىلدى. ال «قازمۇنايگاز» IPO-سىندا ينۆەستورلاردىڭ تۇرعىلىقتى جەرىنە قاتىستى شەكتەۋ جوق. دەگەنمەن باسىمدىق قازاقستان ازاماتتارىنا, ياعني جەكە تۇلعالارعا بەرىلمەك.
ۇلتتىق كومپانيا باسشىسى «قازمۇنايگازدىڭ» سوڭعى بىرنەشە جىلداعى وندىرىستىك جانە قارجىلىق كورسەتكىشتەرى تۇراقتى ەكەنىن اتاپ ءوتتى. قازىرگى ۋاقىتتا كومپانيانىڭ شوعىرلاندىرىلعان اكتيۆتەرى 32 ملرد دوللارعا تەڭ. وسى جىلدىڭ 30 ماۋسىمىنداعى جاعداي بويىنشا اكتسيونەرلىك كاپيتال 19 ملرد دوللاردان اسقان.
– ءبىرىنشى جارتىجىلدىقتىڭ قورىتىندىسى بويىنشا, كومپانيانىڭ تازا پايداسى 677 ملرد تەڭگەنى قۇرادى. ال بوس اقشا اعىمى 188 ملرد تەڭگەگە تەڭ. «قازمۇنايگازدىڭ» تۇراقتى قارجىلىق كورسەتكىشتەرى تولەنگەن ديۆيدەند كولەمىن 2016 جىلدىڭ قورىتىندىسى بويىنشا 45 ملرد تەڭگەدەن 2021 جىلى 200 ملرد تەڭگەگە دەيىن ۇلعايتۋعا مۇمكىندىك بەردى. سونىمەن قاتار كومپانيا بولاشاقتا اكتسيالار قۇنىنىڭ وسۋىنە سەبەپ بولاتىن بىرەگەي جوبالارعا يە, – دەدى م.مىرزاعاليەۆ.
باسقارما توراعاسى مۇناي ءوندىرۋ دەڭگەيىن ارتتىرۋعا باعىتتالعان جوبالار كومپانيانىڭ ودان ءارى دامۋ نۇكتەسى رەتىندە قاراستىرىلاتىنىن جەتكىزدى. مۇنداي جوبالاردىڭ قاتارىندا تەڭىز كەن ورنىندا ءوندىرۋدى قازىرگى 27 ملن توننادان 40 ملن تونناعا دەيىن, ياعني 40 پايىزعا ۇلعايتۋعا مۇمكىندىك بەرەتىن بولاشاق كەڭەيتۋ جوباسى, سونداي-اق قاشاعاندا ءوندىرىستى ۇلعايتۋ بويىنشا جوبالار بار. بۇل بولاشاقتا كومپانيا تابىسىنىڭ وسۋىنە سەرپىن بەرۋى كەرەك.
– ودان بولەك, 2022 جىلى قىركۇيەكتە «قازمۇنايگاز» «سامۇرىق-قازىنا» قورىنان «قمگ قاشاعان ب.ۆ.» كومپانياسىنداعى 50 پايىز ۇلەسىن ساتىپ الدى, ول سولتۇستىك كاسپي جوباسى (قاشاعان جوباسى) ءونىمىن ءبولۋ تۋرالى كەلىسىمدە 16,88 پايىزدىق ۇلەسكە يە. بۇل – «قازمۇنايگازدىڭ» سوڭعى جىلدارداعى ەڭ ءىرى مامىلەلەرىنىڭ ءبىرى. قاشاعان جوباسىنداعى ۇلەستىڭ ارتۋىنا بايلانىستى «قازمۇنايگازدا» شوعىرلاندىرىلعان ءوندىرۋ, EBITDA, تازا پايدا مەن اكتيۆتەردىڭ كورسەتكىشتەرى دە جاقسارادى, – دەپ ناقتىلادى ول.
سونداي-اق «قازمۇنايگاز» گەولوگيالىق بارلاۋ سالاسىندا قۇرلىقتا دا, تەڭىزدە دە بىرقاتار جوبانى بەلسەندى جۇرگىزىپ كەلەدى. مۇنداي جوبالارعا تورعاي پالەوزوي بلوگىندا باستالعان گەولوگيالىق بارلاۋ, قاراتون-سارىقامىس گەولوگيالىق بارلاۋ جوبالارى جانە باسقالارى كىرەدى.
– ۇلتتىق كومپانيا كاسپي تەڭىزىنىڭ قايراڭىنداعى بارلىق بارلاۋ جوباسىنا قاتىسادى. تاۋەكەلدەر مەن شىعىنداردى ءبولۋ ماقساتىندا حالىقارالىق ارىپتەستەرمەن بىرلەسىپ ازىرلەنىپ جاتقان اباي, يساتاي, جەڭىس, ءال-فارابي سياقتى تەڭىز جوبالارىن دا اتاپ وتۋگە بولادى. سونداي-اق قورجىنىمىزدا قالامقاس جانە حازار سەكىلدى تەڭىز كەن ورىندارى بار. ولاردىڭ مۇناي قورى راستالعان, يگەرۋدى باستاۋ الداعى جىلدارعا جوسپارلانعان, دەدى ۇلتتىق كومپانياسىنىڭ باسشىسى.
م.مىرزاعليەۆتىڭ پىكىرىنشە, كومپانيا بيزنەسىنىڭ ءوسۋى ءۇشىن تاعى ءبىر ماڭىزدى باعىت – مۇناي-گاز حيمياسى. 8 قاراشادا قۋاتى جىلىنا 500 مىڭ توننا پوليپروپيلەن شىعارۋعا جەتەتىن زاۋىت ىسكە قوسىلدى. پوليەتيلەن جانە بۋتاديەن شىعاراتىن زاۋىتتار سالۋ جوسپارلانۋدا. ەسكە سالا كەتەيىك, وسى جىلدىڭ 13 ماۋسىمىندا «قازمۇنايگاز» «سامۇرىق-قازىنا» قورىنان «قازاقستان پەتروكەميكال ينداستريز ينك» جشس-نىڭ (KPI Inc.) 49,5 پايىز ۇلەسىن ساتىپ الدى. وسىلايشا, «قازمۇنايگاز» دايىن پوليپروپيلەندى ساتۋدان تۇسكەن تابىستىڭ ءبىر بولىگىنە يە بولادى. بۇل كومپانيانىڭ قارجىلىق كورسەتكىشتەرىنە وڭ اسەر ەتپەك.