2014 جىلعى 11 مامىر, استانا, ۇكىمەت ءۇيى
وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى
«مەملەكەتتىك ساتىپ الۋ تۋرالى» قازاقستان رەسپۋبليكاسىنىڭ 2007 جىلعى 21 شىلدەدەگى زاڭى (بۇدان ءارى – زاڭ) 13-بابىنىڭ 9) تارماقشاسىنا سايكەس وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان وتاندىق الەۋەتتى ءونىم بەرۋشىلەردەن ساتىپ الىناتىن جۇمىستاردىڭ, كورسەتىلەتىن قىزمەتتەردىڭ نومەنكلاتۋراسى (بۇدان ءارى – نومەنكلاتۋرا) بەكىتىلسىن.
2. تاۋارلاردى, جۇمىستاردى, كورسەتىلەتىن قىزمەتتەردى ساتىپ الۋدى زاڭعا سايكەس جۇزەگە اسىراتىن مەملەكەتتىك كاسىپورىندار, داۋىس بەرەتىن اكتسيالارىنىڭ (جارعىلىق كاپيتالعا قاتىسۋ ۇلەستەرىنىڭ) ەلۋ جانە ودان دا كوپ پايىزى مەملەكەتكە تيەسىلى زاڭدى تۇلعالار وتاندىق تاۋار وندىرۋشىلەر شىعاراتىن جانە ولاردان ساتىپ الىناتىن تاۋارلاردىڭ جەكەلەگەن تۇرلەرىنىڭ قازاقستان رەسپۋبليكاسىنىڭ ۇكىمەتى ايقىنداعان تىزبەسىنە ەنگىزىلگەن تاۋارلاردى, سونداي-اق نومەنكلاتۋرادا كورسەتىلگەن جۇمىستاردى, كورسەتىلەتىن قىزمەتتەردى مەملەكەتتىك ساتىپ الۋدى جۇزەگە اسىرۋ كەزىندە مەملەكەتتىك ساتىپ الۋدى تاۋارلاردىڭ, جۇمىستار مەن كورسەتىلەتىن قىزمەتتەردىڭ جانە ولاردى جەتكىزۋشىلەردىڭ دەرەكقورىنا ەنگىزىلگەن وتاندىق تاۋار وندىرۋشىلەر مەن جۇمىستاردى, كورسەتىلەتىن قىزمەتتەردى وتاندىق جەتكىزۋشىلەر اراسىندا وسى تاۋارلاردى, جۇمىستار مەن كورسەتىلەتىن قىزمەتتەردى ساتىپ الۋدىڭ جالپى كولەمىنىڭ 100 پايىزى كولەمىندە زاڭنامادا بەلگىلەنگەن تارتىپپەن وتكىزەدى.
3. مەملەكەتتىك ساتىپ الۋدى ۇيىمداستىرۋشىلار قازاقستان رەسپۋبليكاسىنىڭ ۇكىمەتى ايقىنداعان وتاندىق تاۋار وندىرۋشىلەر شىعاراتىن جانە ولاردان ساتىپ الىناتىن تاۋارلاردىڭ جەكەلەگەن تۇرلەرىنىڭ تىزبەسىنە ەنگىزىلگەن تاۋارلاردى جانە (نەمەسە) نومەنكلاتۋرادا قامتىلعان جۇمىستاردى, كورسەتىلەتىن قىزمەتتەردى مەملەكەتتىك ساتىپ الۋ كەزىندە:
1) مەملەكەتتىك ساتىپ الۋدى جۇزەگە اسىرۋ تۋرالى حابارلاندىرۋدا مەملەكەتتىك ساتىپ الۋ وتاندىق تاۋار وندىرۋشىلەر مەن تاۋارلاردىڭ, جۇمىستاردىڭ جانە كورسەتىلەتىن قىزمەتتەردىڭ دەرەكقورىنا ەنگىزىلگەن جۇمىستاردىڭ, تاۋارلاردى, جۇمىستاردى, كورسەتىلەتىن قىزمەتتەردى جەتكىزۋشىلەر اراسىندا جۇزەگە اسىرىلاتىنىن كورسەتەدى;
2) تاۋارلاردىڭ, جۇمىستار مەن كورسەتىلەتىن قىزمەتتەردىڭ جانە ولاردى جەتكىزۋشىلەردىڭ دەرەكقورىنا ەنگىزىلگەن تاۋارلارعا, جۇمىستارعا, كورسەتىلەتىن قىزمەتتەرگە سايكەس كەلەتىن, تالاپ ەتىلەتىن تەحنيكالىق, ساپالىق جانە پايدالانۋ سيپاتتاماسىن كورسەتەدى جانە سيپاتتايدى.
4. ەگەر وسى قاۋلىعا سايكەس جۇزەگە اسىرىلاتىن مەملەكەتتىك ساتىپ الۋ وتكىزىلمەدى دەپ تانىلعان جاعدايدا, مەملەكەتتىك ساتىپ الۋ قازاقستان رەسپۋبليكاسىنىڭ مەملەكەتتىك ساتىپ الۋ تۋرالى زاڭناماسىنا سايكەس جۇزەگە اسىرىلادى, وعان بارلىق الەۋەتتى ءونىم بەرۋشىلەرگە رۇقسات بەرىلەدى.
5. وسى قاۋلىعا قوسىمشاعا سايكەس قازاقستان رەسپۋبليكاسى ۇكىمەتىنىڭ كەيبىر شەشىمدەرىنىڭ كۇشى جويىلدى دەپ تانىلسىن.
6. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2014 جىلعى 11 مامىرداعى №470 قاۋلىسىمەن بەكىتىلگەن
وتاندىق الەۋەتتى ءونىم بەرۋشىلەردەن ساتىپ الىناتىن جۇمىستاردىڭ, كورسەتىلەتىن قىزمەتتەردىڭ نومەنكلاتۋراسى
1) اعىمداعى جوندەۋ بويىنشا قۇرىلىس جۇمىستارى;
2) اۆتوموبيل تەحنيكاسىن جوندەۋ;
3) كولىكتىك-ەكسپەديتسيالىق كورسەتىلەتىن قىزمەتتەر;
4) كۇردەلى تۇرمىستىق تەحنيكانى جوندەۋ;
5) سالت-عۇرىپتىق قىزمەتتەر;
6) قوعامدىق تاماقتاندىرۋ قىزمەتى;
7) تۇرمىستىق (مونشا-كىر جۋ, حيميالىق تازالاۋ);
8) ۇيىمداستىرۋ تەحنيكاسىنا قىزمەت كورسەتۋ جونىندەگى قىزمەتتەر;
9) كيىم (ارناۋلى كيىم) مەن اياق كيىم تىگۋ جانە جوندەۋ;
10) سۋرەتكە ءتۇسىرۋ قىزمەتتەرى;
11) مەملەكەتتىك ماڭىزدى ەمەس بەلگىلەر, ماراپاتتاۋ كۋبوكتارىن, جالاۋشالار, جالاۋلار دايىنداۋ;
12) بىلعارى, پلاستماسسا جانە مەتالل گالانتەريالارىن جوندەۋ;
13) اۋدارما ءىسى قىزمەتتەرى;
14) ءمورتابان-ءمور جانە جىبەك جازبا;
15) جارنامالىق-اقپاراتتىق جانە باسپا قىزمەتتەرى;
16) الەۋمەتتىك-ەكونوميكالىق ماقساتتاعى عارىش اپپاراتتارىنىڭ Ku-جيىلىك دياپازونىنداعى ترانسپوندەرلەرىن ۇسىنۋ بويىنشا قىزمەتتەر;
17) «KazSat» الەۋمەتتىك-ەكونوميكالىق ماقساتتاعى عارىشتىق بايلانىس جۇيەسىن پايدالانۋ ارقىلى Ku-جيىلىك دياپازونىندا تىركەلگەن سپۋتنيكتىك بايلانىستى قولدانۋدى كوزدەيتىن بايلانىس جانە (نەمەسە) تەلەراديوحابار تاراتۋ قىزمەتتەرى;
18) باعدارلامالىق وقىتۋ بويىنشا تەحنيكالىق قولداۋ;
19) پوليگرافيالىق قىزمەتتەر;
20) عيمارات پەن قۇرىلىستار تۇرعىزۋ بويىنشا جۇمىستار;
21) قۇرىلىس-مونتاجداۋ, جەر قازۋ جانە بەتوندىق جۇمىستار;
22) ەلەكتردى تاراتۋ جەلىسى مەن ماگيسترالدىق بايلانىس جەلىسىن وتكىزۋ بويىنشا قۇرىلىس جۇمىستارى;
23) ماگيسترالدىق قۇبىرلاردى وتكىزۋ بويىنشا قۇرىلىس جۇمىستارى;
24) ەلەكترومونتاجداۋ جانە ءبوپجا جۇمىستارى;
25) بۇرعىلاپ جارۋ جۇمىسى;
26) پورشەن جانە پلۋنجەر سورعى گيدراۆليكالىق قورابىن كۇردەلى قالپىنا كەلتىرۋ بويىنشا جوندەۋ جۇرگىزۋ;
27) زياتكەرلىك مەنشىكتى پايدالانۋ قۇقىعىنا ليتسەنزيا بەرۋ بويىنشا قىزمەت كورسەتۋ;
28) كونسۋلتاتسيالىق قىزمەتتەر مەن وقىتۋ قىزمەتتەرى;
29) جۇرتشىلىقپەن بايلانىستى قولداۋ بويىنشا قىزمەتتەر;
30) كينوفيلم, بەينەونىم جانە تەلەۆيزيالىق باعدارلاما تاراتۋ بويىنشا كورسەتىلەتىن قىزمەتتەر;
31) «ينتەرنەت» سايتىندا وڭدەۋ/ازىرلەۋ بويىنشا كورسەتىلەتىن قىزمەتتەر;
32) كەشەندىك ەلەكترومەحانيكالىق جۇيەلەردى سىناۋ جانە تالداۋ بويىنشا كورسەتىلەتىن قىزمەتتەر;
33) ەلەكتر جابدىقتارىن ورناتۋ بويىنشا كورسەتىلەتىن قىزمەتتەر;
34) ەلەكتر جابدىقتارىن جوندەۋ جانە تەحنيكالىق كورسەتىلەتىن قىزمەتتەر;
35) كاسىپتىك دايارلاۋ, قايتا دايارلاۋ, بىلىكتىلىكتى ارتتىرۋ قىسقا مەرزىمدى كۋرستارىن وتكىزۋ بويىنشا كورسەتىلەتىن قىزمەتتەر;
36) تەحنيكالىق عىلىمدار مەن تەحنولوگيالار سالاسىندا زەرتتەۋلەر مەن ەكسپەريمەنتتىك ازىرلەمەلەر, باسقالارى بويىنشا قىزمەت كورسەتۋ;
37) ەكولوگيالىق قىزمەت كورسەتۋ.
قازاقستان رەسپۋبليكاسى ۇكىمەتىنىڭ 2014 جىلعى 11 مامىرداعى №470 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ كۇشى جويىلعان كەيبىر شەشىمدەرىنىڭ تىزبەسى
1. «وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1353 قاۋلىسى (قازاقستان رەسپۋبليكاسىنىڭ ءپۇاج-ى, 2007 ج., № 50, 626-قۇجات).
2. «وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1353 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 22 مامىرداعى № 756 قاۋلىسى (قازاقستان رەسپۋبليكاسىنىڭ ءپۇاج-ى, 2009 ج., № 27-28, 239-قۇجات).
3. «وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1353 قاۋلىسىنا وزگەرىس ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 17 ناۋرىزداعى № 214 قاۋلىسى (قازاقستان رەسپۋبليكاسىنىڭ ءپۇاج-ى, 2010 ج., № 24, 184-قۇجات).
4. «وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1353 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 4 اقپانداعى № 78 قاۋلىسى (قازاقستان رەسپۋبليكاسىنىڭ ءپۇاج-ى, 2011 ج., № 17, 201-قۇجات).
5. «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىستەر ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 11 ساۋىردەگى №441 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ كەيبىر شەشىمدەرىنە ەنگىزىلەتىن 2-تارماقتىڭ وزگەرىستەرى (قازاقستان رەسپۋبليكاسىنىڭ ءپۇاج-ى, 2012 ج., № 42, 563-قۇجات).
6. «وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1353 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 24 جەلتوقسانداعى № 1664 قاۋلىسى (قازاقستان رەسپۋبليكاسىنىڭ ءپۇاج-ى, 2013 ج., № 5, 99-قۇجات).
7. «وتاندىق الەۋەتتى ءونىم بەرۋشىلەردىڭ ساناتتارىن مەملەكەتتىك قولداۋ شارالارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2007 جىلعى 29 جەلتوقسانداعى № 1353 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 26 ناۋرىزداعى № 276 قاۋلىسى (قازاقستان رەسپۋبليكاسىنىڭ ءپۇاج-ى, 2013 ج., № 22, 357-قۇجات).