2014 جىلعى 4 مامىر, استانا, ۇكىمەت ءۇيى
زاڭسىز سوتتاۋ, قىلمىستىق جاۋاپتىلىققا زاڭسىز تارتۋ, بۇلتارتپاۋ شاراسى رەتىندە قاماۋعا, ۇيقاماققا الۋدى, ەشقايدا كەتپەۋ تۋرالى قولحات بەرۋدى زاڭسىز قولدانۋ, قاماققا الۋ نەمەسە تۇزەۋ جۇمىستارى تۇرىندە اكىمشىلىك جازانى زاڭسىز قولدانۋ, پسيحياتريالىق نەمەسە باسقا دا ەمدەۋ مەكەمەسىنە زاڭسىز ورنالاستىرۋ سالدارىنان كەلتىرىلگەن زياندى وتەۋ بويىنشا سوت اكتىلەرىن مەملەكەتتىك بيۋدجەت ەسەبىنەن ورىنداۋ قاعيدالارىن بەكىتۋ تۋرالى
«اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» 2010 جىلعى 2 ساۋىردەگى قازاقستان رەسپۋبليكاسىنىڭ زاڭىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان زاڭسىز سوتتاۋ, قىلمىستىق جاۋاپتىلىققا زاڭسىز تارتۋ, بۇلتارتپاۋ شاراسى رەتىندە قاماۋعا, ۇيقاماققا الۋدى, ەشقايدا كەتپەۋ تۋرالى قولحات بەرۋدى زاڭسىز قولدانۋ, قاماققا الۋ نەمەسە تۇزەۋ جۇمىستارى تۇرىندە اكىمشىلىك جازانى زاڭسىز قولدانۋ, پسيحياتريالىق نەمەسە باسقا دا ەمدەۋ مەكەمەسىنە زاڭسىز ورنالاستىرۋ سالدارىنان كەلتىرىلگەن زياندى وتەۋ بويىنشا سوت اكتىلەرىن مەملەكەتتىك بيۋدجەت ەسەبىنەن ورىنداۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
قازاقستان رەسپۋبليكاسى ۇكىمەتىنىڭ 2014 جىلعى 4 مامىرداعى №448 قاۋلىسىمەن بەكىتىلگەن
زاڭسىز سوتتاۋ, قىلمىستىق جاۋاپتىلىققا زاڭسىز تارتۋ, بۇلتارتپاۋ شاراسى رەتىندە قاماۋعا, ۇيقاماققا الۋدى, ەشقايدا كەتپەۋ تۋرالى قولحات بەرۋدى زاڭسىز قولدانۋ, قاماققا الۋ نەمەسە تۇزەۋ جۇمىستارى تۇرىندە اكىمشىلىك جازانى زاڭسىز قولدانۋ, پسيحياتريالىق نەمەسە باسقا دا ەمدەۋ مەكەمەسىنە زاڭسىز ورنالاستىرۋ سالدارىنان كەلتىرىلگەن زياندى وتەۋ بويىنشا سوت اكتىلەرىن مەملەكەتتىك بيۋدجەت ەسەبىنەن ورىنداۋ قاعيدالارى
1. جالپى ەرەجەلەر
1. وسى زاڭسىز سوتتاۋ, قىلمىستىق جاۋاپتىلىققا زاڭسىز تارتۋ, بۇلتارتپاۋ شاراسى رەتىندە قاماۋعا, ۇيقاماققا الۋدى, ەشقايدا كەتپەۋ تۋرالى قولحات بەرۋدى زاڭسىز قولدانۋ, قاماققا الۋ نەمەسە تۇزەۋ جۇمىستارى تۇرىندە اكىمشىلىك جازانى زاڭسىز قولدانۋ, پسيحياتريالىق نەمەسە باسقا دا ەمدەۋ مەكەمەسىنە زاڭسىز ورنالاستىرۋ سالدارىنان كەلتىرىلگەن زياندى وتەۋ بويىنشا سوت اكتىلەرىن مەملەكەتتىك بيۋدجەت ەسەبىنەن ورىنداۋ قاعيدالارى (بۇدان ءارى – قاعيدالار) «اتقارۋشىلىق ءىس جۇرگىزۋ جانە سوت ورىنداۋشىلارىنىڭ مارتەبەسى تۋرالى» 2010 جىلعى 2 ساۋىردەگى قازاقستان رەسپۋبليكاسىنىڭ زاڭى (بۇدان ءارى - اتقارۋشىلىق ءىس جۇرگىزۋ تۋرالى زاڭ) 6-بابىنىڭ 3-1-تارماعىنا سايكەس ازىرلەندى جانە سوت اكتىلەرى بويىنشا مىندەتتەمەلەردىڭ ۋاقتىلى ورىندالۋىن قامتاماسىز ەتۋ ماقساتىندا 010 «قازاقستان رەسپۋبليكاسى ۇكىمەتىنىڭ رەزەرۆى» رەسپۋبليكالىق بيۋدجەتتىك باعدارلاماسى (بۇدان ءارى – بيۋدجەتتىك باعدارلاما) شەڭبەرىندە سوت اكتىلەرىن ورىنداۋدىڭ بىرىڭعاي ءتارتىبىن بەلگىلەيدى.
2. بيۋدجەتتىك باعدارلاما شەڭبەرىندە سوت اكتىلەرىن ورىنداۋ ءتارتىبى
2. مەملەكەتتىك سوت ورىنداۋشىسى اتقارۋشىلىق ءىس جۇرگىزۋدى قوزعاعاننان كەيىن بيۋدجەتتىك باعدارلاما اكىمشىسىنە قازاقستان رەسپۋبليكاسى ازاماتتىق ءىس جۇرگىزۋ كودەكسىنىڭ 236-بابىنىڭ جانە ءتيىستى سوت اكتىلەرىنىڭ تالاپتارىنا سايكەس رەسىمدەلگەن اتقارۋ پاراعىنىڭ كوشىرمەلەرىن قوسا بەرە وتىرىپ, اتقارۋشىلىق ءىس قوزعاۋ تۋرالى قاۋلىنىڭ كوشىرمەسىن جىبەرەدى نەمەسە بەرەدى, ودان كەيىن بيۋدجەتتىك باعدارلاما اكىمشىسى مەملەكەتتىك سوت ورىنداۋشىسىن كورسەتىلگەن قۇجاتتاردى العان كۇنى مەن سوت اكتىلەرىنىڭ ورىندالۋ ساتىسى تۋرالى حابارلايدى.
بيۋدجەتتىك باعدارلاما اكىمشىسى اتقارۋشىلىق قۇجاتتى اتقارۋشىلىق ءىس جۇرگىزۋدى قورعاۋ تۋرالى قاۋلىنىڭ كوشىرمەسى جانە قوسا بەرىلگەن قۇجاتتار تۇسكەن كۇننەن باستاپ ءبىر اي مەرزىمدە ورىنداماعان جاعدايدا, مەملەكەتتىك سوت ورىنداۋشىسى زاڭنامادا بەلگىلەنگەن تارتىپپەن ينكاسسالىق وكىمدى شىعارۋ جونىندە شارالار قابىلدايدى.
3. سوت اكتىلەرى بويىنشا قازاقستان رەسپۋبليكاسى ۇكىمەتىنىڭ, ورتالىق مەملەكەتتىك ورگانداردىڭ, ولاردىڭ ۆەدومستۆولارى مەن اۋماقتىق بولىمشەلەرىنىڭ مىندەتتەمەلەرىن ورىنداۋ قازاقستان رەسپۋبليكاسى ۇكىمەتىنىڭ شەشىمى نەگىزىندە سوت اتقارۋشىلىق قۇجاتتارى بولعان كەزدە قازاقستان رەسپۋبليكاسى ۇكىمەتىنىڭ رەزەرۆىنەن قامتاماسىز ەتىلەدى.
قازاقستان رەسپۋبليكاسى ۇكىمەتىنىڭ ءتيىستى شەشىمىنىڭ جوباسىن ازىرلەۋ جانە كەلىسۋ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جۇزەگە اسىرىلادى.
4. قازاقستان رەسپۋبليكاسى ۇكىمەتىنىڭ شەشىمى بويىنشا بولىنگەن قاراجاتتى بيۋدجەتتىك باعدارلاما اكىمشىسى زاڭنامادا بەلگىلەنگەن تارتىپپەن جانە مەرزىمدە ءتيىستى مەملەكەتتىك مەكەمە – قازاقستان رەسپۋبليكاسى ادىلەت مينيسترلىگىنىڭ سوت اكتىلەرىن ورىنداۋ كوميتەتى اۋماقتىق ورگانىنىڭ قولما-قول اقشانى باقىلاۋ شوتىنا (اقشانى ۋاقىتشا ورنالاستىرۋ شوتى) اۋدارادى.
5. مەملەكەتتىك مەكەمە – قازاقستان رەسپۋبليكاسى ادىلەت مينيسترلىگىنىڭ سوت اكتىلەرىن ورىنداۋ كوميتەتىنىڭ اۋماقتىق ورگانى كەلىپ تۇسكەن قاراجاتتى زاڭنامادا بەلگىلەنگەن تارتىپپەن ءوندىرىپ الۋشىلارعا اۋدارادى.