قازاقستان دەلەگاتسياسى اۋستريادا دۇنيەجۇزىلىك بانكتىڭ الەمدەگى گيدروەنەرگەتيكا الەۋەتىن دامىتۋ ماسەلەلەرىنە ارنالعان جۇمىس سەسسياسىنا قاتىستى.
جاڭعىرمالى ەنەرگيا كوزدەرىنە قاتىستى ماسەلەلەر مەن پەرسپەكتيۆالار تاقىرىبىنا ارنالعان سەمينار سەسسيالارىنىڭ بىرىندە «سامۇرىق-ەنەرگو» اق جوبالار پورتفەلىن باسقارۋ دەپارتامەنتىنىڭ ديرەكتورى اڭسار ايداروۆ بايانداما جاسادى. ونىڭ دەرەكتەرىنە سۇيەنسەك, 2022 جىلدىڭ باسىندا قازاقستاننىڭ ەنەرگيا ءوندىرۋشى وبەكتىلەرىنىڭ بەلگىلەنگەن قۋاتى 23,6 گۆت-نى قۇرادى. ونىڭ ىشىندە كومىر وتىنى 69 پايىزدى, تابيعي گاز – 20 پايىزدى, ءىرى سۋ ەلەكتر ستانسالارى – 7 پايىزدى, جاڭعىرمالى ەنەرگيا كوزدەرى 4 پايىزدى قۇراعان.
2035 جىلعى ەنەرگەتيكالىق تەڭگەرىمگە سايكەس, قازاقستاندا قوسىمشا 17,5 گۆت ەنەرگيا ءوندىرۋشى وبەكت سالۋ قاجەت بولادى. ا.ايداروۆتىڭ ايتۋىنشا, رەسپۋبليكانىڭ جاڭعىرمالى ەنەرگيا كوزدەرىن دامىتۋ جونىندەگى جوسپارى اۋقىمدى. قازاقستان گەنەراتسياسىنداعى جاڭعىرمالى ەنەرگيا كوزدەرىنىڭ ۇلەسىن 2030 جىلعا قاراي 15 پايىزعا دەيىن ارتتىرۋ جوسپارلانۋدا.
«جاڭعىرمالى ەنەرگيا كوزدەرىن دامىتۋدا ەنەرگيا كولەمىنىڭ ىشىنەن گيدروەنەرگەتيكانى دامىتۋعا ايرىقشا نازار اۋدارىلادى. قازىرگى ۋاقىتتا قازاقستاندا گيدروەنەرگەتيكانى دامىتۋ جوسپارى بەكىتىلدى جانە 2030 جىلعا قاراي شامامەن 3 گۆت سۋ ەلەكتر ستانساسىن سالۋ جوسپارلانۋدا. قازاقستاندا تاۋ وزەندەرىنىڭ الەۋەتى زور جانە پرەزيدەنت پەن ۇكىمەت بۇل سالاعا كوپ كوڭىل ءبولىنىپ وتىر», دەيدى اڭسار ايداروۆ.
پراكتيكۋم جۇمىسى بارىسىندا قازاقستاندىق ەنەرگەتيكتەر دۇنيەجۇزىلىك بانك وكىلدەرىمەن كەزدەسۋ وتكىزدى. الماتى سۋ ەلەكتر ستانساسى كاسكادىن جاڭعىرتۋ جوباسى بويىنشا تەحنيكالىق-ەكونوميكالىق نەگىزدەمەنى ازىرلەۋگە گرانت بەرۋ ماسەلەلەرى قارالدى. تاراپتار سونداي-اق قازاقستاننىڭ گيدروەنەرگەتيكاسىنىڭ الەۋەتىن باعالاۋ ءۇشىن بانك تاراپىنان قارجىلىق قولداۋ مۇمكىندىگىن قاراستىردى.
بۇدان باسقا, «سامۇرىق-ەنەرگو» وكىلدەرى سۋ ەلەكتر ستانسالارىنا ارنالعان ەلەكترومەحانيكالىق جابدىقتار مەن سەرۆيستىك قىزمەتتەردى جەتكىزۋدە الەمدەگى جەتەكشى كاسىپورىن – Andritz Hydro GmbH كومپانياسىنىڭ باسشىلىعىمەن كەزدەستى. كەزدەسۋگە قاتىسۋشىلار قازاقستانداعى بىرلەسكەن جوبالاردى جانە ودان ءارى ىنتىماقتاستىق پەرسپەكتيۆالارىن تالقىلادى.
قازىرگى كەزدە قازاقستاندا 51 سۋ ەلەكتر ستانساسى جۇمىس ىستەيدى. قازاقستاننىڭ جۇيەلىك وپەراتورىنىڭ دەرەكتەرىنە سۇيەنسەك, 2022 جىلعى 1 قاڭتاردا سۋ ەلەكتر ستانسالارىنىڭ بەلگىلەنگەن قۋاتى 2 806,2 مۆت-نى قۇرادى. بۇل ەلدەگى ستانسالاردىڭ جالپى بەلگىلەنگەن قۋاتىنىڭ 11,7 پايىزىنا تەڭ.
«سامۇرىق-ەنەرگو» اق كومپانيالار توبى قازاقستاننىڭ سۋ ەلەكتر ستانسالارى بەلگىلەنگەن قۋاتىنىڭ شامامەن 29,7 پايىزىن قامتىپ وتىر. بۇل دەگەنىمىز – 916 مۆت. ونىڭ ىشىندە «شاردارا سەس» اق-قا – 126 مۆت, «الەس» اق قاپشاعاي سۋ ەلەكتر ستانساسىنا – 364 مۆت, «مويناق سەس» اق-قا – 300 مۆت, «الەس» اق سۋ ەلەكتر ستانساسى كاسكادىنا 43,7 مۆت تيەسىلى.
«سامۇرىق-ەنەرگو» اق سۋ ەلەكتر ستانسالارىنىڭ ەلەكتر ەنەرگياسىن ءوندىرۋ كولەمى وسى جىلدىڭ 9 ايىندا 2 035,4 ملن كۆت/ساعاتتى قۇرادى.