تۇتىنۋشىلار شاعىمى

شاعىمداردىڭ باسىم بولىگى بولشەك ساۋدا, تۇرمىستىق قىز­مەت­تەر, ەلەكتروندىق كوم­مەر­تسياعا قاتىستى. وسى­لايشا, تالاپ پەن تارتىپكە باعىنبايتىن كاسىپكەرلەر ەل تۇرعىندارىن ءوز قۇقىقتارىن قورعاۋعا ءماجبۇر ەتىپ وتىر. ويتكەنى ساپاسىز ءونىم ءۇشىن اقشانى قايتارۋدان, ونى ايىرباستاۋدان, جوندەۋدەن, ءونىم تۋرالى سەنىمدى اقپارات بەرۋدەن باس تارتاتىن كاسىپكەرلەر كوپ.

كوميتەتتىڭ حابارلاۋىنشا, ءبىر اپتادا كەلىپ تۇسكەن شا­عىم­دار بويىنشا 331 تۇتى­نۋ­شىعا (وتىنىشتەردىڭ جالپى سانىنىڭ 54 پايىزى) قۇقىقتىق كومەك كورسەتىلگەن. 274 شاعىم قان­ا­عاتتاندىرىلىپ, 87-ءسى مەم­لە­كەتتىك ورگاندارعا قايتا جىبە­رىل­گەن. سونداي-اق ءبىر اپتا ىشىندە سوتقا 1 تالاپ قويىلىپ, 1 ەسكەرتۋ شىعارىلدى. ءتورت جاعدايدا تاراپتار ىمىراعا كەلگەن. تۇ­تى­نۋشىلارعا ۆەدومستۆونىڭ كو­مەگىمەن 36 ملن تەڭگەدەن استام قاراجات قايتارىلدى.

ماسەلەن, ەلوردالىق ءبىر توپ تۇر­عىن وزدەرى تۇراتىن ۇيدە قۇ­رىلىس سالۋشى تاراپىنان كەت­كەن بىرقاتار كەمشىلىكتى انىق­­تاپتى. تۇرعىندار قالالىق تۇ­تىنۋشىلاردىڭ قۇقىقتارىن قورعاۋ دەپارتامەنتىنە جۇ­گىن­گەن. دەپارتامەنت تۇر­عىن­داردىڭ اتىنان سوتقا شاعىم ءتۇسىردى. وسىدان كەيىن عانا قۇرىلىس سالۋشىلار تۇرعىن ءۇي كەشەنىندەگى كەمشىلىكتەردى رەت­تەۋگە كىرىسكەن. ولاردىڭ شى­­عىنى 10 ملن تەڭگەگە باعا­لاندى. تۇرعىنداردىڭ تالاپتارى قاناعاتتاندىرىلدى.

تاعى ءبىر مىسال. باتىس قازاق­ستان وبلىسىنان كەلگەن تۇرعىنعا اۆتوسالون ساپاسىز اۆتوكولىكتى 18 ملن تەڭ­گە­دەن استام سوماعا ساتقان. سونداي-اق كليەنتكە 300 مىڭ تەڭ­گەگە قوسىمشا جابدىق ساتىپ الۋعا ماجبۇرلەگەن. ەر ادام اۋماقتىق دەپارتامەنتكە شاعىم ءتۇسىرىپتى. شاعىم يەسىنە ساتۋشىعا شاعىمدانۋعا كومەك كورسەتىلگەن. ناتيجەسىندە ماشينا ءتيىستى ساپاداعى اۆتوكولىككە اۋىستىرىلىپ, قوسىمشا جاب­دىق ءۇشىن تولەنگەن قاراجات كەرى قايتارىلعان.

ماسساج حالاتتارىنىڭ تۇ­ساۋ­كە­سەرىنە قاتىسقان جامبىل وب­لى­سىنىڭ تۇرعىنى 917,7 مىڭ تەڭگەگە تاۋار ساتىپ الادى. بىراق كەيىننەن ساتىپ العان تاۋارىنان باس تارتقان. كومپانيا اقشانى قايتارعىسى كەلمەپتى. بىراق وبلىستىق دەپارتامەنتتىڭ زاڭدى قولداۋىنىڭ ناتيجەسىندە ساتىپ الۋشىعا ءونىمنىڭ تولىق قۇنى قايتارىلعان.

مىنە, كۇندەلىكتى تۇرمىستا مۇنداي مىسالداردى كوپتەپ كەز­­دەستىرۋگە بولادى. كوبىنەسە قا­­زاق­ستاندىقتار تۇرمىستىق جانە كەڭسە تەحنيكاسىن ساتىپ الۋدا شالىس باسادى ەكەن. وكى­­نىشكە قاراي, بۇل ءبا­رى­مىز­دىڭ باسىمىزدان وتەتىن جاع­داي جانە ودان ەشكىم دە ساق­تان­دىرىلماعان. سوندىقتان مۇن­داي جاعدايدا شاتاسپاۋ, تيى­سىن­شە ءوز قۇقىقتارىن باتىل قورعاۋ ما­ڭىزدى.

ايتپاقشى, تۇتىنۋ قۇقى­عىن بۇزۋ تۋرالى شاعىمدى E-tutynushy ونلاين-سەرۆيسى ار­قىلى جولداۋعا بولادى. كو­ميتەت ماماندارىنىڭ كون­سۋل­تا­­تسياسى تەگىن «جەدەل جەلى» تەلەفوندارى ارقىلى جۇزەگە اسىرىلادى: 8-7172-74-98-32, 8-7172-74-98-36.