ەلوردادا مەديتسينالىق نىسانداردى سالۋ جانە جوندەۋ, كادرلاردى دايارلاۋ, وبەكتىلەردى تولىق جاراقتاندىرۋ, «قاۋىپسىز اۋلا» جوباسىن ودان ءارى جانداندىرۋ قارقىندى ىسكە اسىپ جاتىر.
بۇل جونىندە ەلوردا اكىمى التاي كولگىنوۆ Instagram پاراقشاسىندا جازدى. ونىڭ ايتۋىنشا, بۇگىندە مەديتسينا قىزمەتكەرلەرى جانە قالا تۇرعىندارى كوتەرگەن ماسەلەلەردىڭ باسىم بولىگى شەشىمىن تاپقان.
«بىرىنشىدەن, دەنساۋلىق ساقتاۋ جۇيەسىنىڭ ينفراقۇرىلىمىن دامىتۋ بويىنشا ەلوردانىڭ اۋقىمدى جوبالارىنىڭ ءبىرى تەمىر جول اۋرۋحاناسىنىڭ (№3 كوپسالالى قالالىق اۋرۋحانا) «Ramada Plaza» عيماراتىنا كوشۋى بولىپ سانالادى. ەسكى تەمىر جول اۋرۋحاناسىنىڭ اۋماعىنا جاڭا پەريناتالدىق ورتالىق سالىنادى. ويتكەنى بۇل شاعىن اۋداندا وسى ماسەلە (سارىارقا اۋدانى) وتە وزەكتى. بۇدان بولەك الماتى اۋدانىنداعى №1 كوپسالالى قالالىق اۋرۋحاناسىنىڭ جانىندا تاعى ءبىر پەريناتالدىق ورتالىق سالىنادى», دەدى قالا اكىمى.
سونداي-اق بىرقاتار ەلدى مەكەندەردە العاشقى مەديتسينالىق-سانيتارلىق كومەك ورتالىقتارىنىڭ قۇرىلىسى جوسپارلانعان. ايتالىق, «جاعالاۋ-3 جانە «نۇرلى جول» ۆوكزالى اۋماعىندا امبۋلاتوريالىق-ەمحانالىق كەشەندەرىنىڭ, كوكتال-1, پريگورودنىي, تەلمان ەلدى مەكەندەرىندەگى مەديتسينالىق مەكەمەلەرگە جوندەۋ جۇمىستارى جۇرگىزىلگەن.
قادامدىق قولجەتىمدىلىك اياسىندا سوڭعى ءۇش جىلدا 40 ء«ۇي جانىنداعى دارىگەر» نىسانى (ونىڭ 7-ەۋى ەلدى مەكەندەردە ورنالاسقان) اشىلعان. جەكە ينۆەستيتسيالاردى تارتۋ ارقىلى جىل سوڭىنا دەيىن تاعى 10 نىسان اشۋ جوسپاردا تۇر.
ال مەديتسينا قىزمەتكەرلەرىنە جاعداي جاساۋ ماسەلەسى بويىنشا استانا اكىمى ا.كولگىنوۆ: «2020 جىلدان باستاپ دارىگەرلەردىڭ ورتاشا جالاقىسى 60 پايىزعا, ورتا بۋىن مەديتسينا قىزمەتكەرلەرىنىڭ جالاقىسى 50 پايىزعا ءوستى. كەلەسى جىلى دارىگەرلەردىڭ جالاقىسى 35 پايىزعا, ال ورتا بۋىن مەديتسينا قىزمەتكەرلەرىنىڭ جالاقىسىن 10 پايىزعا ارتتىرۋ جوسپارلانىپ وتىر. كادرلاردى جۇمىلدىرۋ ءۇشىن گرانتتار بولەمىز. وسىلايشا, ءۇش جىل ىشىندە جوعارى ءبىلىم الۋعا 750 گرانت ءبولىندى. قازىرگى وقۋ جىلىنا 250-گە جۋىق گرانت ءبولىندى. سول سياقتى مەديتسينا قىزمەتكەرلەرىنە ارناپ جاتاقحانا سالۋدى دا جوسپارلاپ وتىرمىز», دەپ جازدى.
ماتەريالدىق تەحنيكالىق بازا بويىنشا سوڭعى ءۇش جىلدا مەديتسينا مەكەمەلەرى 3 مىڭعا جۋىق ارنايى جابدىقپەن جابدىقتالسا, جەدەل مەديتسينالىق جاردەم ستانساسىنا تاعى 55 ارنايى كولىك بەرىلگەن. بۇعان دەيىن 100-دەن استام ارنايى كولىك, ونىڭ ىشىندە 65 رەانيموبيل مەديتسينالىق كومەك ستانساسى تاپسىرىلعانى ايتىلدى.
وسىلايشا, سالا بويىنشا بىرقاتار ماسەلەنىڭ ءتۇيىنىن شەشۋ جۇمىستارى قولعا الىنعان كەزدەسۋدە ۇزدىك مەديتسينا قىزمەتكەرلەرى قۇرمەت گراموتالارىمەن ماراپاتتالدى.