13 قاراشا كۇنى قالاداعى پانفيلوۆ كوشەسى بويىندا جەڭىل كولىك جۇرگىزۋشىسى ايالداماعا سوعىلدى, دەپ حابارلايدى Egemen.kz.
جول-كولىك وقيعاسى سالدارىنان 43 جاستاعى قالا تۇرعىنى مەن 2010 جانە 2015 جىلدارى تۋعان ءۇش بالا زارداپ شەككەن. تورتەۋى دە ءتۇرلى جاراقاتتارمەن جەدەل جاردەم بريگادالارىمەن قالانىڭ مەديتسينالىق مەكەمەلەرىنە جاتقىزىلدى. ۆاز-2108 اۆتوكولىگىنىڭ 23 جاستاعى جۇرگىزۋشىسى ماس ەمەس بولماعان.«جول-كولىك وقيعاسى فاكتىسى بويىنشا جينالعان ماتەريالدار ءىستىڭ ءمان-جايىن انىقتاۋ جانە پروتسەسسۋالدىق شەشىم قابىلداۋ ءۇشىن پەتروپاۆل قالالىق پوليتسيا باسقارماسىنىڭ اكىمشىلىك پوليتسيا بولىمىنە بەرىلدى», دەپ جازىلعان ءىىم سايتى تاراتقان اقپاراتتا.