اقتاۋ قالاسى پوليتسيا باسقارماسىنىڭ كريمينالدىق پوليتسيا قىزمەتكەرلەرى بۇزاقىلىق نيەتپەن كىسى ولتىرۋگە وقتالۋ فاكتىسى بويىنشا 6 كۇدىكتىنى انىقتادى, دەپ حابارلايدى Egemen.kz.
ەسكە سالساق, 12 قاراشادا ماڭعىستاۋ وبلىستىق اۋرۋحاناسىنا وق تيگەن 19 جاستاعى ءبىر ازامات جەتكىزىلگەنى جايلى حابارلاعانبىز. سونداي-اق تىزە بۋىنىنىڭ جابىق جاراقاتىمەن تاعى ءبىر ازامات دارىگەرلەرگە تابىستالعان. ولار اقتاۋداعى كافەلەردىڭ بىرىندە بولعان وقيعا كەزىندە جاراقات العان.
«وسى وقيعاعا قاتىسۋشىلاردىڭ بارلىعى ۋاقىتشا ۇستاۋ يزولياتورىنا قامالدى», دەلىنگەن وڭىرلىك پد ءباسپاسوز قىزمەتىنىڭ اقپاراتىندا. تەرگەۋ مۇددەسى ءۇشىن باسقا اقپارات جاريا ەتىلمەدى.