مەملەكەت باسشىسى قاسىم-جومارت توقاەۆ تۇركى مەملەكەتتەرى ۇيىمىنىڭ سامميتىندە سويلەگەن سوزىندە قازاقستاننىڭ نەگىزگى مۇددەسىنە ساي كەلەتىن ماڭىزدى قاعيداتتى اتادى, دەپ حابارلايدى Egemen.kz.
«قازاقستان بارلىق مەملەكەتتىڭ تەرريتوريالىق تۇتاستىعىن ءسوزسىز قولدايدى, سونداي-اق بۇۇ جارعىسىن مۇلتىكسىز ساقتاۋ قاجەت دەپ ەسەپتەيدى. بۇل – ءبىزدىڭ ەلىمىزدىڭ نەگىزگى مۇددەسىنە تولىق ساي كەلەتىن ماڭىزدى قاعيدات. سوندىقتان ءبىز وسى قاعيداتقا ءاردايىم باسىمدىق بەرەتىن بولامىز», دەدى پرەزيدەنت.
سامميت بارىسىندا قاسىم-جومارت توقاەۆ تۇركى مەملەكەتتەرى ۇيىمىنىڭ مارتەبەسىن نىعايتۋعا زور ۇلەس قوسقان تۇركيا رەسپۋبليكاسىنىڭ پرەزيدەنتى رەجەپ تايپ ەردوعانعا العىس ءبىلدىردى.
ء«بىزدىڭ بىرلىگىمىز جىل وتكەن سايىن نىعايىپ كەلەدى. سونىڭ ارقاسىندا تۇركى الەمىنىڭ حالىقارالىق ارەناداعى ساياسي سالماعى ەداۋىر ارتتى. تۇركيا رەسپۋبليكاسىنىڭ پرەزيدەنتى, جوعارى مارتەبەلى رەجەپ تايپ ەردوعان ءبىر جىل بويى تۇركى مەملەكەتتەرى ۇيىمىنىڭ توراعاسى مىندەتىن اتقاردى. وسى ۋاقىت ىشىندە ۇيىمنىڭ مارتەبەسىن كوتەرىپ, ىقپالىن نىعايتۋعا زور ۇلەس قوستى. سول ءۇشىن باۋىرىم – رەجەپ مىرزاعا العىس ايتامىن. رەسپۋبليكا اتانعانىنا كەلەسى جىلى ءبىر عاسىر بولاتىن باۋىرلاس تۇركيا ەلى ءوزارا ىنتىماقتاستىعىمىزدى نىعايتۋعا زور ۇلەس قوسا بەرەدى دەپ سەنەمىن. وسى ورايدا, مەن قۇرمەتتى رەجەپ بەيدى «تۇركى الەمىنىڭ ەڭ جوعارعى وردەنىمەن» ماراپاتتاۋ تۋرالى باستاما كوتەردىم. بۇل ۇسىنىسىم ءبىراۋىزدان قولداۋ تاپتى. سول ءۇشىن بارشاڭىزعا ريزاشىلىعىمدى بىلدىرەمىن», دەپ اتاپ ءوتتى مەملەكەت باسشىسى.
ءسوزىن قورىتىندىلاي كەلە, پرەزيدەنت ۇيىمنىڭ توراعالىعى مەن حاتشىلىعىن العان وزبەكستان مەن قىرعىزستان وكىلدەرىنىڭ جۇمىسىنا تابىس تىلەدى.
ء«سوزىمنىڭ سوڭىندا ۇيىمعا توراعالىق ەتۋ مىندەتى وزبەكستانعا بەرىلۋىنە بايلانىستى وزبەك باۋىرلارىمىزعا تاعى دا تولاعاي تابىس تىلەيمىن! بۇدان بولەك, ۇيىمنىڭ باس حاتشىسى لاۋازىمىن اتقارۋ كەزەگى باۋىرلاس قىرعىزستان وكىلىنە وتەدى. وسى ورايدا, 2018 جىلدان بەرى تۇركى مەملەكەتتەرى ۇيىمىنىڭ باس حاتشىسى قىزمەتىن اتقارعان باعدات امىرەەۆكە العىس ايتامىن. ال جاڭادان تاعايىندالعان باس حاتشى كۋبانىچبەك ومىراليەۆتىڭ جۇمىسى جەمىستى بولۋىنا تىلەكتەستىك بىلدىرەمىن», دەپ قورىتىندىلادى قاسىم-جومارت كەمەل ۇلى.