قازاقستاندىق بوكسشى سانجار تاشكەنباي 2022 جىلى امماندا (يوردانيا) ءوتىپ جاتقان ازيا چەمپيوناتىندا جارتىلاي فينالدىق جەكپە-جەگىن وتكىزدى, دەپ حابارلايدى Egemen.kz.
قازاقستاندىق 19 جاستاعى بوكسشى 48 كەلىگە دەيىنگى سالماقتا جارتىلاي فينالدا ۇندىستاندىق گوۆيند كۋمار ساحانيمەن كەزدەسىپ, ءبىراۋىزدان جەڭىسكە جەتتى. وسىلايشا, تاشكەنباي قۇرلىق بىرىنشىلىگىنىڭ فينالىنا شىعىپ, وندا «التىنعا» تالاسادى.
ەسكە سالايىق, سانجار تاشكەنبايدىڭ قازىرگى كەزدەگى باستى جەتىستىكتەرى – جاستار اراسىنداعى الەم چەمپيوناتىنىڭ جانە جاستار اراسىنداعى ازيا چەمپيوناتىنىڭ التىن مەدالدارى. سونداي-اق ول وزبەكستاندىق اسيلبەك جاليلوۆ پەن قىرعىز ميرلان تۇركباي ۇلىن جەڭگەن.