شيپاجايعا تەگىن جولداما

وبلىستىق جۇمىسپەن قام­تۋدى ۇيلەستىرۋ جانە الەۋمەتتىك باع­دارلامالار باسقارماسىنىڭ باسشىسى ازامات مامبەتوۆ مالى­مەتىنشە, الەۋمەتتىك قىز­مەت­تەر پورتالىندا 60-تان اسا شي­پاجايدىڭ ءتىزىمى بار.

– اتىراۋ وبلىسى اكىم­دى­گىنىڭ قولداۋىمەن ءبىرىن­شى توپتاعى مۇگەدەكتەر مەن ەرەكشە بالالارعا, ولاردىڭ جەكە كومەكشىلەرىنە 14 كۇنگە شيپاجايعا جولداما بەرىلدى. تەگىن جولدامانىڭ باعا­سى 55 اەك كولەمىن قۇرايدى. الەۋ­مەتتىك قىزمەتتەر پورتالىنان مۇگەدەكتىگى بار بارلىق توپتاعى ادامدار وزدەرىنىڭ ەلەكتروندى تسيفرلىق قولتاڭباسى ارقىلى ۇيدەن شىقپاي-اق جولداما الۋ مۇمكىندىگىن پايدالا­نادى. ولارعا اۋداندىق جۇمىس­پەن قامتۋ بولىمدەرى مەن وكرۋگ اكىمدىكتەرىندەگى وزىنە-ءوزى قىز­مەت كورسەتۋ بۇرىشىنىڭ ما­ماندا­رى كومەك بەرەدى, – دەيدى ا.مامبەتوۆ.

الەۋمەتتىك قىزمەتتەر پور­تالى ارقىلى تاڭداعان شيپاجايىنا تەگىن جولداما العان­داردىڭ قاتارىندا ناۋ­رىزبەك شاكيەۆ تە بار. ول – ءبىرىنشى توپتىڭ مۇگەدەكتىگى بار ازامات.

– بۇرىن شيپاجايعا تە­گىن جولداما تەك وزىمە عانا بەرى­لەتىن ەدى. ال كۇتۋشىگە جولدامانى ءوز قاراجاتىمىزعا ساتىپ الىپ كەلدىك. ەندى بيىل جەكە كۇتۋشىمە دە شيپاجايعا جولداما بىرگە بەرىلدى. بۇرىن قاراجاتتان قى­سىل­عان كەزدە 14 كۇنگە ەسەپتەلگەن ەمنىڭ جارتىسىن عانا الۋعا ءماجبۇر بولىپ جۇردىك. بيىل وبلىستىق اكىمدىكتىڭ قولداۋىمەن شيپا­جايداعى ەمدىك پروتسەدۋرالاردى تولىق الدىم, – دەيدى ن.شاكيەۆ.

ەندى وڭىردەگى جالعىزباستى جانە زەينەتكەر جاسىنداعى 100 قاريا شيپاجايدا تەگىن ەم الادى. ەگدە جاستاعى ادامدارعا وسىنداي مۇمكىندىك بەرۋ ءۇشىن وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى, وڭىردە جۇمىس ىستەيتىن كومپانيا مەن «اتىراۋ شيپاجايى» اق اراسىندا ۇش­جاقتى كەلىسىمشارتقا قول قويىل­دى. كەلىسىمشارتقا سايكەسە اتال­عان باسقارما ەم-دومدى قاجەت ەتەتىن 100 زەينەتكەردىڭ ءتىزىمىن ۇسىنادى.

– ەگدە جاستاعى قارتتارعا قامقورلىق كورسەتۋ ماقساتىندا جالعىزىلىكتى جانە الەۋمەتتىك جاعدايى تومەن وتباسىنداعى ارداگەرلەرگە جەرگىلىكتى شيپا­جاي­عا جولداما بەرۋدى ءجون كوردىك. ويتكەنى قاريالارعا وزگە ايماقتاردا ورنالاسقان كۋ­رورتتىق شيپاجايلارعا بارىپ-كەلۋ وڭاي ەمەس. سول سەبەپ­تەن ولار شيپاجايلارعا بارۋدان باس تارتادى. وسىنى ەسكەرىپ, «اتىراۋ شيپاجايى» مەن جەر­گىلىكتى كومپانيا باسشىلارىنا ۇسىنىسىمىزدى بىلدىردىك. ولار بۇل ۇسىنىسقا قولداۋ ءبىلدىرىپ, 100 جولداما ءۇشىن قارجى بولۋگە شەشىم قابىلدادى, – دەيدى ا.مامبەتوۆ.

ونىڭ ايتۋىنشا, قاريالار جەرگىلىكتى شيپاجايدا بال­شىق­پەن, پارافينمەن ەمدەلىپ, مينەرالدى ۆاننا, فيزيوتەراپيا, ەمدىك ماسساج جانە گالوتەراپيا سەكىلدى پروتسەدۋرالاردى الادى. ەمدەلۋشى قاريالار ستاندارتتى بولمەدە جاتىپ, ءتورت مەزگىل تاماقپەن قامتىلادى.

اتىراۋ وبلىسى