11 قاراشا استانادا IV حالىقارالىق ەنەرگيا ۇنەمدەۋ فورۋمى وتەدى, دەپ حابارلايدى Egemen.kz.
فورۋم 2018 جىلدان باستاپ جىل سايىن وتكىزىلىپ كەلەدى. بۇل ەلىمىزدە ەنەرگيا ۇنەمدەۋ كۇنىن مەرەكەلەۋگە وراي ۇيىمداستىرىلعان.
فورۋمدى قازاقستان مەن گەرمانيا اراسىنداعى ەنەرگەتيكالىق ديالوگ كونتەكستىندە يندۋستريا جانە ينفراقۇرىلىمدىق دامۋ مينيسترلىگىنىڭ «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى (قازاقەنەرگياساراپتاما)» اق جانە نەمىس ەنەرگەتيكالىق اگەنتتىگى (dena) وتكىزەدى.
رەسمي سەرىكتەستەرى قازاقستاندىق ەنەرگيا اۋديتورلار قاۋىمداستىعى مەن قازاقستانداعى بۇۇ دامۋ باعدارلاماسى.
فورۋمنىڭ ماقساتى - ساراپشىلار اراسىندا سىندارلى پىكىر الماسۋ, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىندا ءوزارا ءتيىمدى ارىپتەستىك بايلانىستاردى نىعايتۋ. ءىس-شارا شەڭبەرىندە ونەركاسىپ پەن عيماراتتاردا ەنەرگيا تيىمدىلىگىن ارتتىرۋ جونىندەگى شارالاردى ىسكە اسىرۋ ماسەلەلەرى تالقىلاناتىن بولادى.
فورۋم ەنەرگيا ۇنەمدەۋدى دامىتۋدىڭ وزەكتى ماسەلەلەرى بويىنشا حالىقارالىق جانە قازاقستاندىق ساراپشىلاردىڭ قاتىسۋىمەن پلەنارلىق وتىرىس پەن پانەلدىك سەسسيالاردىڭ فورماتىندا وتكىزىلەدى.