5 قاراشا كۇنى كەشكە «ريددەر» جەو-دا قازاندىق اگرەگاتتارى اپاتتىق جاعدايدا ءسونىپ, قالا تۇرعىندارى جىلۋسىز قالعان ەدى, دەپ جازادى Egemen.kz.
جەرگىلىكتى اتقارۋشى بيلىك وكىلدەرى اپاتتىڭ سالدارىن جويۋ ءۇشىن جەدەل شتاب قۇرىپ, ريددەردە توتەنشە جاعداي جاريالانعان.
وسى ماسەلەنى شەشۋدە وتاندىق ءوندىرىس كومپانيالارى دا شەت قالمايدى. ماسەلەن, اپاتتى جاعدايعا بايلانىستى جەو-نى قالپىنا كەلتىرۋگە «قازمىرىش» كومەكتەسەدى. 6 قاراشادا كومپانيا ءوزىنىڭ وندىرىسكە ارنالعان جىلۋ كوزدەرىن ءسوندىرىپ, ريددەردەگى جىلۋ ورتالىعىنا باعىتتاعان. كەنشىلەر كومەك قولىن سوزىپ, جەو-عا ءتۇرلى سورعىلار, شىعىن ماتەريالدارىن جانە 150 تونناداي مازۋت جىبەردى.