استانا. 28 مامىر. ەۋرازيالىق ەكونوميكالىق وداق كولەمىندە ورتاق تاۋار نارىعى جۇمىس ىستەيدى. ورتالىق كوممۋنيكاتسيالار قىزمەتىندە وتكەن بريفينگتە «ەكونوميكالىق زەرتتەۋلەر ينستيتۋتى» اكتسيونەرلىك قوعامىنىڭ پرەزيدەنتى ماقسات مۇقانوۆ وسىلاي دەدى. بۇل تۋرالى Today.kz حابارلادى.
م.مۇقانوۆ: «بيىلعى جىل وڭىرلىك ينتەگراتسيا اياسىندا ەرەكشە جىل بولادى. ەرتەڭ تاريحي قۇجات – ەۋرازيالىق ەكونوميكالىق وداق قۇرۋ تۋرالى شارتقا قول قويىلادى. كەلىسىم 2015 جىلدىڭ قاڭتار ايىنان كۇشىنە ەنەدى. بۇل كەلىسىمنىڭ ناتيجەسىندە ءبىزدىڭ وڭىرىمىزدە جاڭا ساپالى ۇيىم دۇنيەگە كەلەدى», – دەدى.
ونىڭ ايتۋىنشا, 2015 جىل وڭىرلىك ينتەگراتسيانىڭ شارىقتاۋ شەگى بولماق. كەلىسىم ەكونوميكالىق ماسەلەلەر بويىنشا قازاقستان, رەسەي جانە بەلارۋس ەلدەرى ىنتىماقتاستىعىنىڭ تەرەڭ ينتەگراتسياسىنا جول سالادى. سونداي-اق, ەڭ الدىمەن كوپتەگەن حالىقارالىق كەلىسىمدەر مەن نورماتيۆتىك-قۇقىقتىق قۇجاتتاردى بىرىڭعاي جۇيەگە كەلتىرۋ جۇمىستارى ىستەلەدى.
بۇدان بولەك, ول: «كەلىسىم تۇراقتى ەكونوميكالىق تۇعىرناما قۇرۋدى قامتاماسىز ەتۋ جانە ءۇش ەلدىڭ حالقىنىڭ ءال-اۋقاتىن جاقسارتۋ ءۇشىن جاعداي جاساۋعا باعىتتالعان. كەلىسىم نەگىزگى ءۇش بولىمنەن تۇرادى. ينستيتۋتسيونالدىق بولىكتە باسقارۋ ورگاندارىنىڭ قۇقىعى, بيۋدجەتتىك سۇراقتارعا قاتىستى ماسەلەلەر قاراستىرىلعان. مازمۇندى بولىگى ەكونوميكانىڭ ماڭىزدى سالالارىنداعى رەتتەۋدى قامتيدى. كەلىسىم اياسىندا ورتاق تاۋار نارىعى قۇرىلادى. تاۋارلار, كاپيتال, ەڭبەك رەسۋرستارى مەن قىزمەتتەردىڭ ەركىن قوزعالىسى رەتتەلەدى», – دەدى.
جولدىباي بازار.
دەرەككوز: Today.kz.
فوتو: ortcom.kz.