باس پروكۋراتۋرا قىلمىستىق قۋدالاۋ قىزمەتى باستىعىنىڭ ورىنباسارى ەلدوس قيلىمجانوۆ قاڭتار وقيعاسى كەزىندە ۇرلانعان قارۋعا قاتىستى جاڭا دەرەكتەرمەن ءبولىستى, دەپ حابارلايدى Egemen.kz.
«قۇقىق قورعاۋ ورگاندارىنىڭ عيماراتتارىنا جاسالعان شابۋىلدار ناتيجەسىندە 1 259 تابەلدىك قارۋ, ونىڭ ىشىندە اۆتوماتتار, تاپانشالار مەن گراناتومەت ۇرلاندى», دەدى ەلدوس كيلىمجانوۆ وكق بريفينگىندە.
اتاپ ايتقاندا, الماتى وبلىسىندا پوليتسيا دەپارتامەنتى عيماراتىنان 53 اۆتومات, 367 تاپانشا, 1 گراناتومەت, سونداي-اق 23 مىڭنان استام پاترون ۇرلانعان.
جامبىل وبلىسىندا 200 اۆتومات, 148 تاپانشا, 11 گراناتومەت, ءبىر پۋلەمەت جانە 40 مىڭعا جۋىق پاترون بار.
«قر پرەزيدەنتىنىڭ رەزيدەنتسياسىنا جاسالعان شابۋىلداردان كەيىن 130 بىرلىك قارۋ مەن وق-ءدارى, ونىڭ ىشىندە 80 گراناتا, 17 تاپانشا, 11 اۆتومات, 21 گراناتا اتقىش جانە مەرگەندىك مىلتىقتىڭ جەتىسپەيتىنى انىقتالدى. قىلمىسكەرلەر بۇل قارۋدى بەيبىت ازاماتتار مەن قۇقىق قورعاۋ ورگاندارىنىڭ قىزمەتكەرلەرىنە قارسى قولداندى», دەدى سپيكەر.