استانا. 27 مامىر. پاۆلودار وبلىسى مەن رەسەي اراسىنداعى ساۋدا كولەمى بيىل 2 ەسەگە ءوسىپ وتىر. بۇل تۋرالى قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە پاۆلودار وبلىسى اكىمىنىڭ ءبىرىنشى ورىنباسارى دۇيسەنباي تۇرعانوۆ مالىمدەدى.
ايماق باسشىسىنىڭ ءبىرىنشى ورىنباسارى «ەۋرازيالىق ينتەگراتسيا اياسىنداعى وڭىرارالىق ءوزارا ءىس-قيمىل ماسەلەلەرى» تاقىرىبىنا ارنالعان بۇل باسقوسۋدا مۇنىڭ وبلىس ءۇشىن ءتيىمدى جاقتارىنا توقتالدى. «ءبىز رەسەي مەن بەلارۋستەن تاۋاردى ساتىپ العاننان گورى, ولارعا ساتاتىن تاۋارىمىز باسىم. ءبىزدىڭ نەگىزگى ساۋدا سەرىكتەسىمىز – رەسەي. بۇل ەلمەن ساۋدا كولەمى ءۇش جىلدا ەكى ەسە وسكەن. وتكەن جىلى ول 3 ملرد. دوللار شاماسىندا بولدى. ءبىزدىڭ وڭىرگە ماشينا جاساۋ, حيميا, مەتاللۋرگيا, قۇرىلىس ماتەريالدارى, ازىق-ت ۇلىك جانە حالىقتىق تۇتىنۋ تاۋارلارى جەتكىزەلەدى. ەكسپورت بويىنشا نەگىزگى تاۋارلار – اليۋميني, ەلەكتر ەنەرگياسى, كومىر جانە وزگە دە بىرقاتار تاۋارلار. سوڭعى جىلدارى رەسەيگە جەتكىزىلەتىن ەلەكتر ەنەرگياسىنىڭ كولەمى ارتتى. ەگەر 2009 جىلى 800 ملن. كۆت.ساعات بولسا, وتكەن جىلى بۇل كورسەتكىش 2,5 ملرد. كۆت.ساعاتقا جەتتى», - دەدى ول.
بۇدان بولەك, كومىردىڭ جىلدىق ەكسپورتى 16 ملن. توننادان 24 ملن. تونناعا دەيىن وسكەن.
مۇرات ايتقوجا.
دەرەككوز: Primeminister.kz.
فوتو: forbes.kz.