باتىس قازاقستان وبلىسىنداعى اقساي قالاسىندا «دوستىق-درۋجبا» كۋبوگى ءۇشىن 2007-2008 جىلى تۋعان جاستار اراسىندا بوكستان ءداستۇرلى حالىقارالىق تۋرنير ءوتتى. «قاراشىعاناق» سپورت كەشەنىندەگى رينگتە قازاقستان, وزبەكستان, قىرعىزستان جانە بەلارۋس سپورتشىلارى كەزدەستى.
تۋرنيرگە ءوز ەلىمىزدەن اتىراۋ, اقتوبە, ماڭعىستاۋ, باتىس قازاقستان وبلىستارى, سونداي-اق ورال, اقساي جانە استانا قالالارىنىڭ بىلعارى قولعاپ شەبەرلەرى قاتىستى.
بيىل 24-ءشى مارتە وتكىزىلىپ وتىرعان بۇل تۋرنيرگە 18 جاسقا تولماعان جاستار عانا قاتىسادى. جاسوسپىرىمدەر اراسىندا وليمپيادالىق سپورت ءتۇرىن ناسيحاتتاپ, جاس بوكسشىلارعا جاڭا سپورتتىق داعدى قالىپتاستىرۋ, تاجىريبە الماسۋدا بۇل ءتۋرنيردىڭ ماڭىزى وتە زور. تۋرنيرگە «بايتەرەك» سۋپەرماركەتتەر جەلىسىنىڭ ديرەكتورى ايبەك وماروۆ باس دەمەۋشى بولدى.
سونىمەن, 4 كۇنگە سوزىلعان ءداستۇرلى تۋرنيردە 44 كيلو سالماقتا – باۋبەك جاقسىلىق (اتىراۋ وبلىسى), 46 كيلودا – ماقسات راشيد (اتىراۋ وبلىسى), 48 كيلودا – باقداۋلەت تۇرىكمەنباي (ماڭعىستاۋ وبلىسى), 50 كيلودا – داۋرەن تاسقاليەۆ (اقساي), 52 كيلودا – شاحبوس ەرگاشەۆ (وزبەكستان), 54 كيلودا – بەكارىس سەرىكباي (اقساي), 57 كيلودا – ەرحان امانگەلديەۆ (اقتوبە), 60 كيلودا – حيكماتۋللو ۋلماسوۆ (وزبەكستان), 63 كيلودا – اندرەي نوۆيك (بەلارۋس), 66 كيلودا – اكبار احمەدوۆ (وزبەكستان), 70 كيلودا – كيريلل كورجەنەۆيچ (بەلارۋس), 75 كيلودا – اكامان تۇياقباي (اتىراۋ وبلىسى), 80 كيلودا – نۇرجان عيباداتوۆ (اقساي), 80 كيلودان جوعارى سالماقتا دياس دەمەنوۆ (ورال) چەمپيون اتاندى.
بۇعان قوسا, اتىراۋلىق ءاليحان ساعىندىق – «جەڭىسكە دەگەن جىگەرى ءۇشىن», وزبەكستاندىق شاحبوس ەرگاشەۆ – «ۇزدىك بوكسشى», قىرعىزستاندىق امانتۋر دجۋماەۆ «ۇزدىك جەكپە-جەك تەحنيكاسى مەن تاكتيكاسى ءۇشىن» دەپ اتالاتىن جەكە اتالىمدار بويىنشا ماراپاتتالدى. ءتۋرنيردىڭ ۇزدىك جاتتىقتىرۋشىسى بولىپ وزبەكستاننان كەلگەن باپكەر مۋزاففار ۋسمانوۆ تانىلدى. ۇزدىك تورەلىك ءۇشىن اتالىمىنا قىرعىزستاننان كەلگەن ميرلان جەەنباەۆ يە بولدى.
بارلىق جەڭىمپازدار مەن جۇلدەگەرلەر مەدالدارمەن, ديپلومدارمەن, كۋبوكتەرمەن جانە ەستەلىك سىيلىقتارمەن ماراپاتتالدى.
باتىس قازاقستان وبلىسى