پرەزيدەنت سايلاۋىن ۇيىمداستىرۋ سياقتى ساياسي ماڭىزى زور ناۋقانعا دايىندىق تا كۇن وتكەن سايىن قىزا تۇسۋدە. بيىل كەزەكتەن تىس وتەتىن پرەزيدەنت سايلاۋىندا برايل ءشريفتى مەن ترافارەتتەر قولدانىلادى. بۇل تۋرالى ورتالىق سايلاۋ كوميسسياسىنىڭ مۇشەسى اناستاسيا ششەگورتسوۆا ايتتى.
ەلەكتروندى تسيفرلىق قولتاڭبانى پايدالانا وتىرىپ, ونلاين-داۋىس بەرۋ تەتىگىن ازىرلەۋ جانە ەنگىزۋ تۋرالى ۇسىنىس بۇگىندە زەردەلەۋ ساتىسىندا تۇر جانە زاڭنامانى وزگەرتۋگە تالاپتار قويىلىپ وتىر.
«2022 جىلعى 22 قىركۇيەكتە جۇرگىزىلىپ جاتقان جۇمىستاردى جەتىلدىرۋ ماقساتىندا ەقىۇ دياقب ساراپشىلارىمەن ونلاين-كونسۋلتاتسيا وتكىزىلدى. مۇگەدەكتىگى بار ادامدارعا قولايلى جاعداي جاساۋ ءۇشىن حالىقارالىق ستاندارتتار مەن ەقىۇ ەلدەرىنىڭ ۇزدىك حالىقارالىق تاجىريبەسى ەگجەي-تەگجەيلى قارالدى», دەدى ول ورتالىق سايلاۋ كوميسسياسى جانىنداعى مۇمكىندىگى شەكتەۋلى ازاماتتاردىڭ قۇقىقتارىن قورعاۋ جونىندەگى جۇمىس توبىنىڭ وتىرىسىندا. ورتالىق سايلاۋ كوميسسياسى جۇمىس توبى مۇشەلەرىنىڭ, مۇددەلى مەملەكەتتىك ورگاندار مەن قوعامدىق بىرلەستىكتەردىڭ مۇگەدەكتىگى بار ادامداردىڭ سايلاۋ قۇقىقتارىن قامتاماسىز ەتۋ جونىندەگى كەلىپ تۇسكەن بارلىق ۇسىنىستارى زەردەلەندى. بارلىعى 30-عا جۋىق ۇسىنىس تۇسسە, ونىڭ كەيبىرى داۋىس بەرۋگە ارنالعان ءۇي-جايدى جاراقتاندىرۋ, سونداي-اق مۇگەدەك ازاماتتاردىڭ سايلاۋ قۇقىقتارىن قامتاماسىز ەتۋ جونىندەگى جۇمىسقا ەرىكتىلەردى, ىم-يشارا ءتىلى ماماندارىن تارتۋ ماسەلەلەرىن جان-جاقتى قاراستىرادى. سونداي-اق مۇگەدەك ازاماتتاردىڭ سايلاۋ قۇقىقتارىن قامتاماسىز ەتۋ جونىندەگى جۇمىسقا ەرىكتىلەردى, اۋدارماشىلاردى تارتۋ, مۇمكىندىگى شەكتەۋلى ازاماتتاردىڭ, مىسالى, زياتكەرلىك مۇمكىندىكتەرى شەكتەۋلى نەمەسە پسيحولوگيالىق كەمىستىگى بار ادامداردىڭ سايلاۋ قۇقىعىن ساقتاۋداعى قۇقىقتىق جانە اكىمشىلىك كەدەرگىلەردى قىسقارتۋ قاتاڭ قارالادى.
سونىمەن قاتار اناستاسيا ششەگورتسوۆا كورۋ قابىلەتى بۇزىلعان ادامدار ءۇشىن ترافارەتتەردى ازىرلەۋ تۋرالى ۇسىنىستىڭ ەسكەرىلەتىنىن ايتتى.