توقاەۆ: ەلەكتر قۋاتى جەتكىلىكسىز بولسا, ەلىمىز ويداعىداي دامي المايدى

«ەلەكتر قۋاتى تۇراقتى ءارى جەتكىلىكتى كولەمدە وندىرىلمەسە, جاساندى ينتەللەكتىنى ەنگىزۋ جانە جاپپاي تسيفرلاندىرۋدى جۇزەگە اسىرۋ مۇمكىن بولمايتىنى انىق. بۇل ماسەلە جونىندە مەن ۇلتتىق قۇرىلتاي وتىرىسىندا پىكىرىمدى انىق ايتىپ كەتتىم.

ەلىمىز ەلەكتر ەنەرگياسىنىڭ ىشكى تاپشىلىعىن جويۋ ءۇشىن ونى جىل سايىن يمپورتتاۋعا ءماجبۇر. بىلتىر 3,7 ميلليارد كيلوۆاتت-ساعات ەنەرگيانى سىرتتان الدىق. قۋات كوزدەرى مەن ەلەكتر جەلىلەرىنىڭ ابدەن ەسكىرۋى دە بۇل سالاداعى احۋالدى ۋشىقتىرىپ تۇر», دەدى مەملەكەت باسشىسى.

ۇلتتىق انتيفرود-ورتالىعى 90 مىڭ ازاماتتى الاياقتاردىڭ ارباۋىنان ساقتاپ قالدى

پرەزيدەنتىڭ ايتۋىنشا, وتكەن ءۇش جىلدا ء«تاريفتى ينۆەستيتسياعا ايىرباستاۋ» باعدارلاماسى اياسىندا ەنەرگەتيكا سالاسىنا 1 ترلن تەڭگەدەن استام قارجى سالىندى. بۇل قاراجاتتىڭ نەگىزگى بولىگى, ياعني, 900 ملرد تەڭگەدەن استام قارجى جوندەۋ جۇمىستارىنا جۇمسالدى.

«جاڭا قۋات كوزدەرىن ىسكە قوسۋعا 140 ميلليارد تەڭگە عانا بولىنگەن. بۇل ۇزاق ۋاقىت بويى تۇراقتى ەنەرگوجۇيەنى قامتاماسىز ەتۋگە جەتپەيتىنى انىق. ەلەكتر قۋاتى جەتكىلىكسىز بولسا, ەلىمىز ويداعىداي دامي المايدى. وسى ماڭىزدى ماسەلەنى ەسكەرمەي جوسپار قۇرۋ – ەش قيسىنعا كەلمەيتىن شارۋا.

ەنەرگەتيكا مينيسترلىگىنىڭ بۇرىنعى باسشىلارى تەك مۇنايمەن شۇعىلدانعان سياقتى, ەلەكتر قۋاتى ءوندىرىسى ەكىنشى قاتاردا نازاردان تىس قالدى. ەندى بۇل ولقىلىقتى تەز ارادا تۇزەتۋىمىز قاجەت», دەدى قاسىم-جومارت توقاەۆ.

ۇلتتىق ماماندىقتار ترانسفورماتسياسى ورتالىعى قۇرىلادى

مەملەكەت باسشىسىنىڭ سوزىنشە, قازىرگى كەزدە قازاقستاندا 123 ميلليارد كيلوۆاتت-ساعات ەلەكتر ەنەرگياسى وندىرىلەدى. بۇل ەلىمىز ءۇشىن جەتكىلىكسىز.

«ۇكىمەت 2029 جىلدىڭ سوڭىنا دەيىن 13,3 گيگاۆاتتىق جاڭا قۋات كوزدەرىن ىسكە قوسامىز دەپ جوسپارلاپ وتىر. ونىڭ 5,9 گيگاۆاتى جاڭارتىلاتىن قۋات كوزدەرىنەن الىنباق.

سونداي-اق ۇكىمەت كەلەسى جىلى ەلەكتر قۋاتىنا دەگەن سۇرانىستى تولىق وتەۋدى كوزدەپ وتىر. ءتىپتى, 1,3 ميلليارد كيلوۆاتت-ساعات قۋاتتى ارتىق وندىرە الامىز دەگەن بولجام بار. بىراق بۇل ماقساتقا جەتۋ ءۇشىن مىندەتتەمەنىڭ ءبارى ۋاقتىلى ورىندالىپ, جەتكىلىكتى قاراجات بولىنۋگە ءتيىس», دەدى پرەزيدەنت.

پرەزيدەنت: ايماقتار ەكونوميكاسىندا شەشىمىن تاپپاعان ماسەلەلەر ءالى دە بار

قاسىم-جومارت توقاەۆتىڭ ايتۋىنشا, بىزدە قۋات كوزدەرىن ىسكە قوسۋ مەرزىمىن قايتا-قايتا كەيىنگە قالدىرۋ ادەتكە اينالدى. مىسالى, الماتىداعى 2-ءشى جانە 3-ءشى جىلۋ ەلەكتر ورتالىعىن جاڭعىرتۋ مەرزىمى بىرنەشە رەت شەگەرىلدى. جۇمىس ءالى كۇنگە دەيىن جۇرگىزىلىپ جاتىر.

«سوندىقتان ۇكىمەت جوسپارلانعان قۋات كوزدەرىنىڭ تولىق ىسكە قوسىلۋىن قامتاماسىز ەتۋگە ءتيىس. بۇدان بىلاي سوزا بەرۋگە بولمايدى.

مەنىڭ ويىمشا, ماسەلە – ناعىز ەنەرگەتيكا ماماندارىنىڭ بولماۋىندا. ەنەرگەتيكا سالاسىنداعى ماسەلەلەرمەن «الىپ بارا جاتقان نە بار دەيسىڭ؟» دەپ, «ازدى-كەم ءبىلىمى بار, بىراق وزىنە دەگەن سەنىمى مول» كەز كەلگەن ادام اينالىساتىن بولدى», دەدى پرەزيدەنت.