بيىل كوكتەمدە ەلوردادا ماشينا جاساۋ سالاسىنا قاتىستى ەڭ ءىرى ءارى ماڭىزدى شارالاردىڭ ءبىرى وتپەك. بۇل – مەملەكەت پەن ءوندىرىس وكىلدەرى ءبىر ۇستەل باسىنا جينالاتىن, سالانىڭ ەرتەڭى تالقىلاناتىن ۇلكەن الاڭ, دەپ جازادى Egemen.kz.
2026 جىلعى 2-3 ءساۋىر كۇندەرى استانادا قازاقستان ماشينا جاساۋشىلارىنىڭ XIII فورۋمى وتەدى. بۇل فورۋم – ماشينا جاساۋ مەن وڭدەۋ ونەركاسىبىنە تىكەلەي قاتىسى بار بارلىق تاراپ ءۇشىن نەگىزگى ديالوگ ورنى. مۇندا مەملەكەت پەن بيزنەس اشىق سويلەسىپ, سالانىڭ قاي باعىتتا دامۋى كەرەك ەكەنىن بىرگە ايقىندايدى.
قازاقستاننىڭ ماشينا جاساۋ سالاسى رەكوردتىق ءوسىم كورسەتتى
فورۋمدا ناقتى ءارى ماڭىزدى تاقىرىپتار قوزعالادى. مەملەكەتتىك ونەركاسىپتىك ساياسات قالاي ىسكە اسۋى كەرەك, يمپورتتى الماستىرۋدى قالاي قولداۋ قاجەت, ءوندىرىستى تەحنولوگيالىق تۇرعىدان جاڭعىرتۋ جولدارى قانداي, وتاندىق زاۋىتتار مەن كاسىپورىنداردىڭ باسەكەگە قابىلەتىن قالاي كۇشەيتۋگە بولادى – وسىنىڭ ءبارى جان-جاقتى تالقىلانادى.
كولىك قاتىناسىنداعى ناتيجەلى جۇمىستار
ءىس-شاراعا 1 000-نان استام ادام قاتىسادى. ولاردىڭ قاتارىندا 20-دان استام ەلدەن كەلەتىن مەملەكەتتىك ورگانداردىڭ وكىلدەرى, بيزنەس-قوعامداستىق, ءىرى تۇتىنۋشىلار جانە ماشينا جاساۋ ونىمدەرىن شىعاراتىن جەتەكشى كومپانيالار بار.
فورۋممەن قاتار تاعى ءبىر ءىرى وقيعا وتەدى. 2026 جىلعى 1-3 ءساۋىر ارالىعىندا استاناداعى «EXPO» حالىقارالىق كورمە ورتالىعىندا «KAZAKHSTAN MACHINERY FAIR 2026» اتتى حالىقارالىق مامانداندىرىلعان كورمە ۇيىمداستىرىلادى. كورمەدە ماشينا جاساۋ سالاسىنىڭ ءارتۇرلى باعىتتارىنا ارنالعان زاماناۋي تەحنولوگيالار, جابدىقتار مەن ناقتى وندىرىستىك شەشىمدەر ۇسىنىلادى.