پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا ءبىلىم بەرۋ سالاسىندا شەشىمىن كۇتكەن جۇيەلىك ماسەلەلەر بار ەكەنىن اتاپ ءوتتى. مەملەكەت باسشىسى بۇل تۋرالى ۇلتتىق قۇرىلتاي وتىرىسىندا ايتىلعان ۇستانىمىن تاعى دا ناقتىلاپ, تۇيتكىلدەر جەكەمەنشىك ءبىلىم بەرۋ ۇيىمدارىن قولداۋعا دا, مەكتەپتەر مەن جوعارى وقۋ ورىندارىن قارجىلاندىرۋ تەتىكتەرىنە دە قاتىستى ەكەنىن جەتكىزدى, دەپ جازادى Egemen.kz.
پرەزيدەنتتىڭ ايتۋىنشا, ءبىلىم سالاسىندا «ەكونوميزاتسيا», ياعني قارجىنى بەي-بەرەكەت جۇمساماي, جۇيەلى ءارى ناتيجەلى پايدالانۋ ۇدەرىسىن جالعاستىرۋ قاجەت. بۇل رەتتە بالاباقشادان باستاپ ۋنيۆەرسيتەتتەرگە دەيىنگى بارلىق دەڭگەيدە مەملەكەتتىك قارجىلاندىرۋدىڭ تيىمدىلىگىن تۇبەگەيلى ارتتىرۋعا باسىمدىق بەرىلۋى ءتيىس.
مەكتەپ اسحاناسى مازىرىندە قانت پەن تۇز ازايتىلادى
مەملەكەت باسشىسى مامان دايارلاۋ ءىسى ەكونوميكانىڭ ناقتى سەكتورلارىنداعى وزگەرىستەردەن, اسىرەسە جاساندى ينتەللەكت پەن جاڭا تەحنولوگيالاردى يگەرۋ قارقىنىنان قالىپ وتىرعانىن سىنعا الدى. ونىڭ ايتۋىنشا, وقۋ باعدارلامالارى مەن ستاندارتتار جاڭارعانشا, نارىقتاعى ماماندىقتاردىڭ ءوزى وزگەرىپ كەتەدى.
پرەزيدەنت تەك IT ماماندارىنىڭ سانىن كوبەيتۋ نەمەسە جالپى تسيفرلىق داعدىلاردى ۇيرەتۋ جەتكىلىكسىز ەكەنىن ايتتى. ەلگە جاساندى ينتەللەكتىنى ءتۇرلى سالادا ءتيىمدى قولدانا الاتىن, ناقتى ءوندىرىس پەن قىزمەت كورسەتۋ ۇدەرىستەرىندە ەڭبەك ونىمدىلىگىن ارتتىراتىن كاسىبي كادرلار قاجەت.
ەلىمىزدەگى IT ماماندارىنىڭ ورتاشا جالاقىسى قانشا؟
وسىعان بايلانىستى مەملەكەت باسشىسى ۇكىمەتكە ناقتى تاپسىرما جۇكتەدى. جەتەكشى كومپانيالارمەن بىرلەسىپ, مەملەكەت پەن جەكە سەرىكتەستىك نەگىزىندە ۇلتتىق ماماندىقتار ترانسفورماتسياسى ورتالىعىن قۇرۋ ۇسىنىلدى. پرەزيدەنت بۇل ورتالىقتى مەملەكەتتىك ەمەس كومپانيالاردىڭ كونسورتسيۋمى باسقارعانى دۇرىس ەكەنىن اتاپ ءوتتى.
استانادا مەكتەپ وقۋشىلارىنىڭ قاۋىپسىزدىگىن جاساندى ينتەللەكت باقىلايدى
مەملەكەت باسشىسىنىڭ پىكىرىنشە, بيزنەس وكىلدەرى نارىق تالابىن جاقسى بىلەدى ءارى وزگەرىستەرگە تەز بەيىمدەلەدى. ال ۇكىمەت ءوز كەزەگىندە ەرەجەلەردى ايقىنداپ, اشىقتىقتى قامتاماسىز ەتۋگە, سۇرانىستى ناقتىلاۋعا جانە ءتيىمدى شەشىمدەردىڭ كەڭىنەن تارالۋىنا جاعداي جاساي الادى.
پرەزيدەنت بۇل قادام ءبىلىم بەرۋ جۇيەسىن ەكونوميكانىڭ ناقتى قاجەتتىلىكتەرىمەن ۇشتاستىرىپ, ەلدىڭ تەحنولوگيالىق دامۋىنا سەرپىن بەرەدى دەپ ەسەپتەيدى.