ۇكىمەت ۇلىتاۋ وبلىسىن دامىتۋ جوسپارىن ماقۇلدادى

ۇلتتىق ەكونوميكا ءمينيسترى الىبەك قۋانتىروۆ جوسپاردىڭ جوباسى مەملەكەت باسشىسىنىڭ تاپسىرماسى بويىنشا ازىرلەنگەنىن حابارلادى. ونى ىسكە اسىرۋعا شامامەن 1,4 ترلن تەڭگە ينۆەستيتسيا تارتۋ جوسپارلانۋدا, بۇل ءارتۇرلى سالالاردا 120-دان استام ءىس-شارانى ورىنداۋعا مۇمكىندىك بەرەدى.

ماسەلەن, 9 جاڭا زاۋىت پەن ونەركاسىپتىك كەشەن, اۋىل شارۋاشىلىعى ونىمدەرىن ءوندىرۋ جانە قايتا وڭدەۋ بويىنشا 11 ينۆەستيتسيالىق جوبا ىسكە قوسىلادى. تۇرعىن ءۇي-كوممۋنالدىق شارۋاشىلىق سالاسىندا 130 كم جىلۋ جەلىلەرىن, 300 كم سۋ قۇبىرى جەلىلەرىن جانە 127 كم سۋ بۇرۋ جەلىلەرىن سالۋ جانە جاڭعىرتۋ جوسپارلانۋدا.

مەديتسينالىق مەكەمەلەردىڭ جەتىسپەۋشىلىگى پروبلەمالارىن شەشۋ ءۇشىن 5 دەنساۋلىق ساقتاۋ وبەكتىسىن سالۋ جانە كۇردەلى جوندەۋدەن وتكىزۋ كوزدەلگەن. ءبىلىم بەرۋ سالاسىندا 880 بالاعا ارنالعان 4 جاڭا بالاباقشا مەن 1100 وقۋشىعا ارنالعان 4 وقۋشىلار سارايىن ىسكە قوسۋ جوسپارلانۋدا, سونداي-اق مەملەكەتتىك تەحنيكالىق ۋنيۆەرسيتەت عيماراتىن سالۋ ماسەلەسى پىسىقتالادى.

«مادەنيەت جانە سپورت سالاسىندا 6 مادەنيەت نىسانى, ونىڭ ىشىندە مۋزىكالىق-دراما تەاترى, امفيتەاتر جانە 10 سپورت نىسانىن سالۋ جانە رەكونسترۋكتسيالاۋ جوسپارلانۋدا. بۇدان باسقا, تۇرعىن ءۇي پروبلەمالارىن شەشۋ ءۇشىن شامامەن 137 ۇيگە اسەر ەتەتىن جەزقازعان قالاسىنىڭ تۇرعىن ءۇي قورىن جانە تەمىرجول ۆوكزالى جانە اۋەجاي عيماراتىن جاڭارتۋ جۇرگىزىلەتىن بولادى. بۇدان باسقا, ەلىمىزدىڭ باسقا قالالارىمەن اۋە قاتىناسىنىڭ جاڭا باعىتتارى اشىلادى دەپ بولجانۋدا, سونداي-اق 400 شاقىرىمعا جۋىق اۆتوجول سالۋ, رەكونسترۋكتسيالاۋ جانە جوندەۋ كوزدەلگەن», دەلىنگەن ۇكىمەت حابارلاماسىندا.

سونىمەن قاتار شاعىن جانە ورتا بيزنەستى دامىتۋ جانە ءوڭىردىڭ مينەرالدىق-شيكىزات بازاسىن كەڭەيتۋ جونىندە شارالار قابىلدانادى.

جيىن بارىسىندا وبلىس اكىمى بەرىك ابدىعالي ۇلى بايانداما جاسادى.

پرەمەر-مينيستر مەتاللۋرگيا, حيميا, جەڭىل ونەركاسىپ جانە ماشينا جاساۋ سالاسىن دامىتۋ باعىتىندا ۇلىتاۋدىڭ الەۋەتى وتە زور ەكەنىن اتاپ ءوتتى. قازاقستانداعى ەڭ ءىرى مىس ءوندىرۋشى كاسىپورىن ۇلىتاۋ جەرىندە ورنالاسقان.

«كەشەندى جوسپاردى ورىنداۋ جاڭا وبلىستىڭ دامۋىنا ايتارلىقتاي سەرپىن بەرەدى جانە ءوڭىر حالقىنىڭ ءال-اۋقاتىن ارتتىرۋعا جاعداي جاسايدى. سونىمەن قاتار تۇرعىن ءۇي جانە كولىك ينفراقۇرىلىمىن, الەۋمەتتىك سالانى دامىتۋ بويىنشا جوبالار ىسكە اسىرىلىپ, ەكولوگيالىق پروبلەمالار شەشىلەدى», دەدى ءاليحان سمايىلوۆ.

ونىڭ ايتۋىنشا, مەتاللۋرگيا ونەركاسىبى مەن اۋىل شارۋاشىلىعىن قارقىندى دامىتۋعا ەرەكشە نازار اۋدارىلادى.

جەكە ينۆەستيتسيالار ەسەبىنەن ورتاشا قۋاتتى مۇناي وڭدەۋ زاۋىتى, بيوەلەكتر ستانتسياسى مەن حيميا زاۋىتى سالىنادى.

سونىمەن قاتار ەنەرگەتيكا سالاسىندا №2 جەزقازعان جىلۋ ەلەكتر ستانتسياسىن سالۋ جانە ساتباەۆ قالاسىندا №1 جىلۋ ستانتسياسىن جاڭعىرتۋ كوزدەلىپ وتىر. ال كاسىپكەرلىكتى دامىتۋ ءۇشىن جەزقازعاندا كوتەرمە-تاراتۋ ورتالىعى, 3 قوناق ءۇي كەشەنى, دەمالىس ءۇيى سالىنادى. سونداي-اق جەرگىلىكتى بيۋدجەت قاراجاتى ەسەبىنەن «تابىسقا جەتۋ جولى» اتتى بيزنەستى قولداۋدىڭ وڭىرلىك باعدارلامالارى ازىرلەنەدى.

«ەڭ باستىسى, 2026 جىلعا دەيىن 9,5 مىڭعا جۋىق جاڭا جۇمىس ورنى قۇرىلادى. كورىپ وتىرعانىمىزداي, كەشەندى جوسپاردا بىرقاتار وتە ماڭىزدى ءىس-شارا قامتىلعان», دەدى ءاليحان سمايىلوۆ.

سونداي-اق «ەڭبەك» فۋتبول كلۋبى جاندانىپ, «ارىستان» بالالار حوككەي مەكتەبى اشىلادى. 2023 جىلدىڭ 1 قىركۇيەگىنەن باستاپ جاڭا ۇلىتاۋ مەملەكەتتىك تەحنيكالىق ۋنيۆەرسيتەتىنە ستۋدەنتتەردى قابىلداۋ جوسپارلانۋدا.

حالىق سانىنىڭ ءوسۋىن ەسكەرە وتىرىپ, جەزقازعان قالاسىندا 60 ءۇيدى نەمەسە 1800-گە جۋىق پاتەردى قامتيتىن ءۇش جاڭا شاعىن اۋدان سالىنادى. جەكە تۇرعىن ءۇي قۇرىلىسىنا 1 مىڭ ۋچاسكە بولىنەدى. سونداي – اق, جەزقازعان قالاسىنداعى 26 اپاتتى ءۇيدى جانە ساتباەۆ قالاسىنداعى 20 اپاتتى ءۇيدى جاڭارتۋ جۇمىستارى جۇرگىزىلەدى. اتالعان ءىس-شارالارعا 62 ملرد.تەڭگەدەن استام قاراجات باعىتتالادى.

تۇرعىن ءۇي-كوممۋنالدىق شارۋاشىلىقتى جاڭعىرتۋ اياسىندا 130 كم جىلۋ جەلىلەرى سالىنىپ, جاڭعىرتىلادى, 300 كم سۋمەن جابدىقتاۋ جانە 127 كم سۋدى بۇرۋ جەلىلەرى سالىنىپ, قايتا جوندەلەدى. ساتباەۆ قالاسىنىڭ تۇرعىندارىن جىلۋمەن قامتاماسىز ەتۋ جانە ەلەكتر ەنەرگياسىن ءوندىرۋ ءۇشىن زاماناۋي بۋ-گاز قوندىرعىسىن سالۋ قاجەت. سۋ قۇبىرى جەلىلەرىن جاڭعىرتۋ ەسەبىنەن وبلىس ورتالىعى مەن جاڭاارقا جانە ۇلىتاۋ اۋداندارىنىڭ 12 ەلدى مەكەندەرىنىڭ تۇرعىندارىن ساپالى اۋىز سۋمەن قامتاماسىز ەتۋ جوسپارلانۋدا. ينۆەستيتسيا كولەمى - 450 ملرد. تەڭگە.

بۇدان باسقا, ءوڭىردىڭ گاز ينفراقۇرىلىمىن دامىتۋ جوباسىن ىسكە اسىرۋ ءۇشىن 34 ملرد.تەڭگەدەن استام قاراجات بولىنەدى.

جالپى سوماسى 264 ملرد.تەڭگەگە 227 كم وبلىستىق اۆتوجولدار جانە 118 كم قالاىشىلىك جانە كەنتىشىلىك جولدار سالىنادى, قايتا جوندەلەدى جانە جوندەلەدى.

تۋريزم سالاسىن دامىتۋعا 1,5 ملرد. تەڭگە باعىتتاۋ كوزدەلگەن.

جالپى, ءىس-شارالاردىڭ بارلىق كەشەنىن ىسكە اسىرۋ ونەركاسىپ كولەمىنىڭ 41% - عا, ونىڭ ىشىندە وڭدەۋ ونەركاسىبى كولەمىنىڭ 35% - عا ءوسۋىن قامتاماسىز ەتەدى. نەگىزگى كاپيتالعا سالىنعان ينۆەستيتسيا كولەمى 3,7 ەسە, ال شوب سۋبەكتىلەرىنىڭ ءونىم شىعارۋى 2,5 ەسەگە وسەدى. 9,5 مىڭنان استام جاڭا تۇراقتى جۇمىس ورىندارى قۇرىلادى.

وتىرىس قورىتىندىسى بويىنشا, ۇكىمەت باسشىسى ۇلتتىق ەكونوميكا مينيسترلىگى مەن ۇلىتاۋ وبلىسىنىڭ اكىمدىگىنە مۇددەلى مەملەكەتتىك ورگاندارمەن بىرلەسىپ, جوسپارداعى بارلىق ءىس-شارالاردىڭ ۋاقىتىلى ورىندالۋىن قامتاماسىز ەتۋدى تاپسىردى.