جەرگىلىكتى جەر كومەنداتۋراسىنىڭ قىزمەتى تۋرالى
ۇلگى ەرەجە
1. جالپى ەرەجەلەر 1. جەرگىلىكتى جەردىڭ كومەنداتۋراسى ورتالىق جانە جەرگىلىكتى اتقارۋشى ورگاندارمەن ءوزارا ءىس-قيمىل جاساي وتىرىپ, توتەنشە جاعداي ەنگىزىلگەن جەرگىلىكتى جەردە توتەنشە جاعداي رەجيمىن قامتاماسىز ەتۋ ءۇشىن قازاقستان رەسپۋبليكاسىنىڭ پرەزيدەنتى قۇراتىن ۋاقىتشا ارناۋلى ورگان بولىپ تابىلادى. 2. جەرگىلىكتى جەردىڭ كومەنداتۋراسى ءوز قىزمەتىن قازاقستان رەسپۋبليكاسىنىڭ كونستيتۋتسياسىنا جانە زاڭدارىنا, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىنە, وزگە دە نورماتيۆتىك قۇقىقتىق اكتىلەرگە, سونداي-اق وسى جەرگىلىكتى جەر كومەنداتۋراسىنىڭ قىزمەتى تۋرالى ەرەجەگە (بۇدان ءارى – ەرەجە) سايكەس جۇزەگە اسىرادى. 3. جەرگىلىكتى جەردىڭ كومەنداتۋراسى توتەنشە جاعداي رەجيمىن قامتاماسىز ەتۋ ماسەلەلەرى بويىنشا ءوزىنىڭ قۇزىرەتى شەگىندە زاڭنامادا بەلگىلەنگەن تارتىپپەن بارلىق جەكە جانە زاڭدى تۇلعالاردىڭ, لاۋازىمدى ادامداردىڭ, جەرگىلىكتى مەملەكەتتىك باسقارۋ جانە ءوزىن-ءوزى باسقارۋ ورگاندارىنىڭ, سونداي-اق ىشكى ىستەر ورگاندارى, تابيعي جانە تەحنوگەندىك سيپاتتاعى توتەنشە جاعدايلار سالاسىنداعى ۋاكىلەتتى ورگاننىڭ بولىمشەلەرى, توتەنشە جاعداي ەنگىزىلگەن جەردە ورنالاسقان (ديسلوكاتسيالانعان) جانە توتەنشە جاعداي رەجيمىن قامتاماسىز ەتۋ ءۇشىن قوسىمشا جۇمىلدىرىلعان اسكەري قۇرالىمدار باستىقتارىنىڭ (كومانديرلەرىنىڭ) ءتيىستى اۋماقتا ورىنداۋى ءۇشىن مىندەتتى جەرگىلىكتى جەر كومەندانتىنىڭ بۇيرىقتارىمەن جانە وكىمدەرىمەن رەسىمدەلەتىن شەشىمدەر قابىلدايدى. 4. جەرگىلىكتى جەردىڭ كومەنداتۋراسى توتەنشە جاعداي ەنگىزىلگەن جەردە ورنالاسقان قازاقستان رەسپۋبليكاسىنىڭ ورتالىق, جەرگىلىكتى اتقارۋشى ورگاندارىنىڭ, قۇقىق قورعاۋ, ارناۋلى مەملەكەتتىك ورگاندارى مەن قارۋلى كۇشتەرىنىڭ وكىلدەرىنەن قۇرالادى. جەرگىلىكتى جەردىڭ كومەنداتۋراسى اپپاراتىنىڭ دەربەس قۇرامى مەن قۇرىلىمىن جەرگىلىكتى جەر كومەندانتى توتەنشە جاعداي ەنگىزۋ ءۇشىن نەگىز بولعان ءمان-جايلاردىڭ نەگىزىندە ايقىندايدى. 5. توتەنشە جاعداي رەجيمى ەنگىزىلگەن جانە ونىڭ تۇراقتى جۇمىس ىستەيتىن ورگانى ورنالاسقان جەرگىلىكتى جەردىڭ نەمەسە ەلدى مەكەننىڭ اۋماعى جەرگىلىكتى جەر كومەنداتۋراسىنىڭ ورنالاسقان جەرى بولىپ تانىلادى. 6. جەرگىلىكتى جەر كومەنداتۋراسىنىڭ قىزمەتىن قارجىلاندىرۋ قازاقستان رەسپۋبليكاسىنىڭ ۇكىمەتى رەزەرۆىنىڭ جانە جەرگىلىكتى اتقارۋشى ورگاندار رەزەرۆتەرىنىڭ قاراجاتى ەسەبىنەن جۇزەگە اسىرىلادى, ال قازاقستان رەسپۋبليكاسىنىڭ پرەزيدەنتى توتەنشە بيۋدجەتتى ەنگىزگەن كەزدە, قارجىلاندىرۋ توتەنشە بيۋدجەت قاراجاتى ەسەبىنەن جۇزەگە اسىرىلادى. 2. جەرگىلىكتى جەر كومەنداتۋراسىنىڭ نەگىزگى مىندەتتەرى, فۋنكتسيالارى, قۇقىقتارى مەن مىندەتتەرى 7. جەرگىلىكتى جەر كومەنداتۋراسىنىڭ نەگىزگى مىندەتتەرى: 1) توتەنشە جاعداي رەجيمى ەنگىزىلگەن جەرگىلىكتى جەردە قوعامدىق ءتارتىپ پەن قاۋىپسىزدىكتى, اسا ماڭىزدى مەملەكەتتىك جانە ستراتەگيالىق وبەكتىلەردى, سونداي-اق حالىقتىڭ تىنىس-تىرشىلىگى مەن كولىكتىڭ جۇمىس ىستەۋىن قامتاماسىز ەتەتىن وبەكتىلەردى كۇزەتۋدى قامتاماسىز ەتۋ; 2) ۇيىمدار باسشىلارىنىڭ ءوز مىندەتتەرىن, كومەندانتتىڭ بۇيرىقتارى مەن وكىمدەرىن تيىسىنشە ورىنداۋىن باقىلاۋ; 3) توتەنشە جاعدايلاردا قولدانىلاتىن ەنگىزىلگەن شارالار مەن ۋاقىتتىق شەكتەۋلەردىڭ ورىندالۋىن باقىلاۋ بولىپ تابىلادى. 8. نەگىزگى مىندەتتەردى ورىنداۋ ءۇشىن جەرگىلىكتى جەر كومەنداتۋراسى مىناداي فۋنكتسيالاردى جۇزەگە اسىرادى: 1) توتەنشە جاعداي رەجيمىن قامتاماسىز ەتۋ ماسەلەلەرى بويىنشا جەرگىلىكتى جەر كومەندانتىنىڭ بۇيرىقتارى مەن وكىمدەرىنىڭ جوبالارىن, سونداي-اق توتەنشە جاعدايدى ەنگىزۋ ءۇشىن نەگىز بولعان ءمان-جايلاردى جويۋ جونىندەگى ءىس-شارالار جوسپارلارىن ازىرلەيدى; 2) توتەنشە جاعداي ەنگىزىلگەن جەرگىلىكتى جەردە قوعامدىق ءتارتىپ پەن قوعامدىق قاۋىپسىزدىكتى قامتاماسىز ەتۋدى, سونداي-اق تەرروريستىك تۇرعىدان وسال وبەكتىلەردى كۇزەتۋدى جانە قورعاۋدى ۇيىمداستىرادى; 3) باقىلاۋ-وتكىزۋ رەجيمىن, ازاماتتار مەن كولىك قۇرالدارىن تەكسەرۋدى جانە قاراپ تەكسەرۋدى, وسى جەردىڭ تۇرعىندارى بولىپ تابىلمايتىن قوعامدىق ءتارتىپتى بۇزۋشىلاردى ولاردىڭ ەسەبىنەن وزدەرىنىڭ تۇراقتى بولۋ جەرىنە نەمەسە توتەنشە جاعداي جاريالانعان جەرگىلىكتى جەردەن تىس جەرگە شىعارىپ جىبەرۋدى ۇيىمداستىرادى; 4) توتەنشە جاعداي رەجيمىن قامتاماسىز ەتۋ بويىنشا قازاقستان رەسپۋبليكاسى پرەزيدەنتىنىڭ جارلىقتارىن, جەرگىلىكتى جەر كومەندانتىنىڭ بۇيرىقتارى مەن وكىمدەرىن حالىقتىڭ نازارىنا جەتكىزۋدى ۇيىمداستىرادى; 5) توتەنشە جاعداي ەنگىزىلگەن جەرگىلىكتى جەر كومەنداتۋراسىنىڭ جانىنان جۋرناليستەردى اككرەديتتەۋدى ۇيىمداستىرادى; 6) توتەنشە جاعداي رەجيمىن بۇزعان, ۇستالعان ادامداردى ۇستاۋ ءۇشىن ارناۋلى مەكەمەلەردە ورىنداردىڭ جەتكىلىكتىلىگىنە تالداۋ جۇرگىزەدى; 7) كومەندانتتىق ساعات تالاپتارىنىڭ ساقتالۋىن قامتاماسىز ەتەدى; 8) ۇيىمدار باسشىلارىنىڭ ءوز مىندەتتەرىن, كومەندانتتىڭ بۇيرىقتارى مەن وكىمدەرىن ورىنداۋىنا تالداۋ جۇرگىزەدى; 9) توتەنشە جاعداي ەنگىزىلگەن جەردە «توتەنشە جاعداي تۋرالى» قازاقستان رەسپۋبليكاسىنىڭ زاڭىندا كوزدەلگەن قوسىمشا شارالار مەن ۋاقىتشا شەكتەۋلەردى قولدانۋ قاجەتتىلىگىنە تالداۋ جۇرگىزەدى جانە وسى شارالاردىڭ ورىندالۋىن قامتاماسىز ەتەدى; 10) توتەنشە جاعداي رەجيمىن قامتاماسىز ەتۋ جونىندەگى ءىس-شارالاردى قوسىمشا قارجىلاندىرۋ قاجەتتىلىگىنە تالداۋ جۇرگىزەدى; 11) توتەنشە جاعداي ەنگىزىلگەن جەردە زاڭدىلىقتى جانە قۇقىقتىق ءتارتىپتى قامتاماسىز ەتۋگە باعىتتالعان جەدەل-پروفيلاكتيكالىق ءىس-شارالاردى جوسپارلاۋدى جانە وتكىزۋدى جۇزەگە اسىرادى; 12) قازاقستان رەسپۋبليكاسىنىڭ زاڭناماسىنا سايكەس وزگە دە فۋنكتسيالاردى جۇزەگە اسىرادى. 9. جەرگىلىكتى جەردىڭ كومەنداتۋراسى: 1) ورتالىق جانە جەرگىلىكتى اتقارۋشى ورگانداردان, ۇيىمداردان ءوز قىزمەتىن جۇزەگە اسىرۋ ءۇشىن قاجەتتى قۇجاتتار مەن مالىمەتتەردى سۇراتۋعا جانە الۋعا; 2) توتەنشە جاعدايدى ەنگىزۋگە نەگىز بولعان ءمان-جايلاردى جويۋ ءۇشىن ۇيىمداردى تارتۋعا; 3) توتەنشە جاعدايدى ەنگىزۋگە نەگىز بولعان ءمان-جايلاردى جويۋ ماسەلەلەرىن شەشۋ ءۇشىن تالدامالىق, ساراپتامالىق جانە باسقا دا قاجەتتى جۇمىستاردى ورىنداۋعا ورتالىق جانە جەرگىلىكتى اتقارۋشى ورگانداردىڭ, ۇيىمداردىڭ ماماندارىن تارتۋعا; 4) ورتالىق جانە جەرگىلىكتى اتقارۋشى ورگاندارعا توتەنشە جاعدايدى ەنگىزۋگە نەگىز بولعان ءمان-جايلاردى جويۋ جونىندەگى مىندەتتەردى ورىنداۋعا قاتىستى ماسەلەلەردى قاراۋ تۋرالى ۇسىنىستار ەنگىزۋگە; 5) ىشكى ىستەر ورگاندارىنىڭ اۋماقتىق جەدەل باسقارۋ ورتالىقتارىنىڭ جانە جۇمىلدىرىلعان قۇقىق قورعاۋ ورگاندارىنىڭ كەزەكشى بولىمدەرىنىڭ قۇرالدارى مەن رەزەرۆتەرىن قولدانۋعا قۇقىلى. 10. جەرگىلىكتى جەر كومەنداتۋراسىنىڭ مىندەتتەرى: 1) «توتەنشە جاعدايلار تۋرالى» قازاقستان رەسپۋبليكاسى زاڭىنىڭ 15, 16-باپتارىندا كوزدەلگەن شارالار مەن ۋاقىتشا شەكتەۋلەردى قولدانۋدى قامتاماسىز ەتۋ; 2) كۇن سايىن, توتەنشە جاعداي رەجيمى ەنگىزىلگەن اۋماقتا ورنالاسقان قۇقىق قورعاۋ جانە ارناۋلى مەملەكەتتىك ورگاندار وكىلدەرىنىڭ قاتىسۋىمەن ولاردىڭ قوعامدىق ءتارتىپ پەن قاۋىپسىزدىكتىڭ ءتيىستى دەڭگەيىن ۇستاۋ جونىندەگى جۇمىسىنىڭ ۇيىمداستىرىلۋىن تالداۋ, قۇقىق بۇزۋشىلىقتاردىڭ الدىن الۋ جانە وعان جول بەرمەۋ جونىندەگى ۇيىمداستىرۋشىلىق-پراكتيكالىق شارالاردى ايقىنداۋ; 3) ناريادقا شىعار الدىندا پاترۋلدەردىڭ جەكە قۇرامىنا نۇسقامالار وتكىزۋدى ۇيىمداستىرۋ, قىزمەتكەرلەردىڭ قاجەتتى قارۋ-جاراقپەن, ارنايى قۇرالدارمەن جانە بايلانىس قۇرالدارىمەن قامتاماسىز ەتىلۋىن باقىلاۋ; 4) پاترۋلدەردىڭ, سونداي-اق اسا ماڭىزدى مەملەكەتتىك جانە ستراتەگيالىق وبەكتىلەردى, سونداي-اق حالىقتىڭ تىنىس-تىرشىلىگى مەن كولىكتىڭ جۇمىس ىستەۋىن قامتاماسىز ەتەتىن وبەكتىلەردى كۇزەتۋدى جۇزەگە اسىراتىن بەكەتتەردىڭ قىزمەت وتكەرۋىن تەكسەرۋدى ۇيىمداستىرۋ; 5) باقىلاۋ-وتكىزۋ رەجيمىنىڭ جاي-كۇيىن تەكسەرۋدى ۇيىمداستىرۋ; 6) ەلدىڭ باسقا وڭىرلەرىنەن قوسىمشا كۇشتەر مەن قۇرالداردىڭ كەلۋىن جانە اۋىستىرىلۋىن باقىلاۋدى جۇزەگە اسىرۋ; 7) جەرگىلىكتى جەر كومەنداتۋراسىنىڭ مىندەتتەرىن ورىنداۋعا قاتىستى ماسەلەلەر بويىنشا توتەنشە جاعداي ەنگىزىلگەن اۋماقتا قىزمەتىن جۇزەگە اسىراتىن جەرگىلىكتى اتقارۋشى ورگاندارمەن ءوزارا ءىس-قيمىل جاساۋدى قولداۋ; 8) توتەنشە جاعدايدى ەنگىزۋگە نەگىز بولعان ءمان-جايلاردى جويۋ جونىندەگى كومەندانتتىڭ بۇيرىقتارى مەن وكىمدەرىن ورىنداۋ تۋرالى ۇيىمدار باسشىلارىن تىڭداۋ; 9) بۇقارالىق اقپارات قۇرالدارىنىڭ وكىلدەرىمەن ءباسپاسوز-كونفەرەنتسيالارىن نەمەسە بريفينگتەر وتكىزۋ; 10) توتەنشە جاعداي رەجيمىن ۇستاۋ جونىندەگى ءىس-شارالارعا ارنالعان قارجىلىق شىعىستاردى ەسەپكە الۋدى جۇرگىزۋ. 3. جەرگىلىكتى جەر كومەنداتۋراسىنىڭ قىزمەتىن ۇيىمداستىرۋ 11. جەرگىلىكتى جەردىڭ كومەنداتۋراسىنا باسشىلىق ەتۋدى جەرگىلىكتى جەردىڭ كومەندانتى جۇزەگە اسىرادى, ول ءوزىنىڭ فۋنكتسيالارىن جۇزەگە اسىرۋ جانە جەرگىلىكتى جەردىڭ كومەنداتۋراسى وعان جۇكتەگەن مىندەتتەردى ورىنداۋ ءۇشىن دەربەس جاۋاپ بەرەدى. جەرگىلىكتى جەردىڭ كومەندانتى وكىلەتتىكتەرىن «توتەنشە جاعداي تۋرالى» قازاقستان رەسپۋبليكاسى زاڭىنىڭ 13-بابىنا سايكەس جۇزەگە اسىرادى. 12. جەرگىلىكتى جەردىڭ كومەندانتىن قازاقستان رەسپۋبليكاسىنىڭ پرەزيدەنتى قىزمەتكە تاعايىندايدى جانە قىزمەتتەن بوساتادى. كومەندانت قازاقستان رەسپۋبليكاسىنىڭ پرەزيدەنتىنە, ال توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا قۇرىلعان كەزدە – قازاقستان رەسپۋبليكاسىنىڭ پرەزيدەنتى مەن مەملەكەتتىك كوميسسيانىڭ توراعاسىنا باعىنادى. 13. جەرگىلىكتى جەردىڭ كومەنداتۋراسى قۇرىلعان ساتىنەن باستاپ ءوز قىزمەتىن ۇزدىكسىز جۇمىس رەجيمىندە جۇزەگە اسىرادى, ونىڭ ناقتى ءتارتىبىن كومەندانت بەلگىلەيدى. جەرگىلىكتى جەردىڭ كومەنداتۋراسى قىزمەتكەرلەرىنىڭ ەڭبەك قاتىناستارى قازاقستان رەسپۋبليكاسىنىڭ زاڭناماسىنا سايكەس رەتتەلەدى. 14. جەرگىلىكتى جەردىڭ كومەنداتۋراسى اپپاراتىنىڭ قۇرامىنا: 1) كومەندانتتىڭ توتەنشە جاعداي رەجيمىن قامتاماسىز ەتەتىن كۇشتەر مەن قۇرالدارعا باسشىلىق جاساۋ جونىندەگى, كومەندانتتىق ساعات رەجيمىن قامتاماسىز ەتۋ جونىندەگى, تىلدىق جانە تەحنيكالىق قامتاماسىز ەتۋ جونىندەگى ورىنباسارلارى; 2) كومەندانتتىڭ جەرگىلىكتى حالىقپەن جانە بۇقارالىق اقپارات قۇرالدارىمەن جۇمىس جونىندەگى كومەكشىلەرى; 3) بولىمشەلەر: شتاب, حاتشىلىق, قۇقىقتىق قامتاماسىز ەتۋ, اقپاراتتىق قارسى تۇرۋ, راديوەلەكتروندىق بارلاۋ جانە باسۋ توپتارى كىرەدى. 15. جەرگىلىكتى جەردىڭ كومەنداتۋراسى اپپاراتىنىڭ قۇرامى مەن قۇرىلىمى توتەنشە جاعدايدى ەنگىزۋگە نەگىز بولعان ءمان-جايلار نەگىزگە الىنا وتىرىپ, وزگەرۋى نەمەسە قوسىمشا توپتارمەن تولىقتىرىلۋى مۇمكىن.