تۇركىستاندا قازاق ۇلتتىق كۇرەسىنەن «تۇران بارىسى» ازيا كۋبوگى اياقتالدى. العاش رەت ۇيىمداستىرىلعان شاراعا تۇركيا, وزبەكستان, ازەربايجان, قىرعىزستان, ۆەنگريا جانە قازاقستان بالۋاندارى كۇش سىنادى, دەپ حابارلايدى Egemen.kz.
جارىستار «قابىرعادان قابىرعاعا» وليمپيادالىق جۇيە بويىنشا ءوتتى. سپورتشىلار جەتى سالماق دارەجەسى بويىنشا بەلدەستى: 55-كە دەيىن, 60-قا دەيىن, 66-عا دەيىن, 74-كە دەيىن, 82-گە دەيىن, 90-عا دەيىن جانە 90 كەلىدەن جوعارى. قازاقستاندىق بالۋاندار تۋرنير جەڭىمپازى اتاندى. وزبەكستان وكىلدەرى ەكىنشى ورىنعا تابان تىرەدى. ال قىرعىزستان بالۋاندارى قولا جۇلدەگە يە بولدى.
ءتۋرنيردىڭ فينالى تارتىستى ءوتتى. كوماندالار 3:3 ەسەبىمەن العا شىعىپ, 90 كەلىدەن جوعارى سالماق دارەجەسىندە قازاقستاندىق عالىمجان قىرىقباي جەڭىسكە جەتتى. ونىڭ قارسىلاسى وزبەك مۋحسين حيسوميددينوۆ تاباندى قارسىلىعىمەن جانە لايىقتى كۇرەسىمەن جانكۇيەرلەردىڭ قۇرمەتىنە يە بولدى.
تۋرنير ۇلتتىق سپورتتى دامىتۋ جانە قولداۋ ماقساتىندا وتكىزىلدى.
مادەنيەت جانە سپورت ءمينيسترى داۋرەن اباەۆ قىزىقتى جەكپە-جەك ءۇشىن سپورتشىلارعا العىسىن ءبىلدىرىپ, ءتۋرنيردىڭ جوعارى دەڭگەيدە وتەتىنىنە سەنىم ءبىلدىردى.