استانا قالاسىنىڭ №2 سارىارقا اۋداندىق سوتىندا بۇرىنعى دەنساۋلىق ساقتاۋ ءمينيسترى ەلجان ءبىرتانوۆ پەن بۇرىنعى دەنساۋلىق ساقتاۋ ۆيتسە-ءمينيسترى ولجاس ابىشەۆكە قاتىستى قىلمىستىق ءىس بويىنشا ۇكىم جاريالاندى, دەپ حابارلايدى Egemen.kz.
«سوت ەلجان امانتاي ۇلى ءبىرتانوۆتى «سانيتاريالىق اۆياتسيانىڭ اۋە كەمەسىن پايدالانۋ» ەپيزودى بويىنشا قر قك 361-بابىنىڭ 3-بولىگىندە كوزدەلگەن قىلمىستىق قۇقىق بۇزۋشىلىق ءۇشىن كىناسىز دەپ تانۋعا جانە ونىڭ ارەكەتتەرىندە وسى قىلمىستىق قۇقىق بۇزۋشىلىق قۇرامىنىڭ بولماۋىن اقتاۋعا ۇكىم شىعاردى. ءبىرتانوۆ ەلجان مەن ابىشەۆ ولجاس قر قك 361 – بابىنىڭ 4 - بولىگىندە 3-تارماعىندا كوزدەلگەن قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىلسىن جانە وسى باپ بويىنشا بىرتانوۆقا بەس جىل مەرزىمگە باس بوستاندىعىن شەكتەۋ تۇرىندەگى جازا, ابىشەۆكە 4 جىل مەرزىمگە باس بوستاندىعىن شەكتەۋ تۇرىندەگى جازا تاعايىندالسىن», دەپ ۇكىم شىعاردى سۋديا يبراگيم الكەنوۆ.