كوكشەتاۋ قالاسىنداعى بىرنەشە مەكتەپكە «جارىلعىش زات» قويىلعانى تۋرالى حابارلاما كەلىپ ءتۇستى. شۇعىل قىزمەتتەر وقۋ ورىندارىن تەكسەردى, دەپ حابارلايدى Egemen.kz.
پوليتسياعا №3 «دارىن» مەكتەپ-ينتەرناتىنا «جارىلعىش قۇرىلعى» قويىلعانى تۋرالى حابارلاما كەلىپ ءتۇستى.
كوكشەتاۋ پد ءباسپاسوز قىزمەتى حابارلاعانداي, اتالعان مەكەنجايعا پوليتسيا جانە باسقا دا شۇعىل قىزمەتتەر جىبەرىلدى. مەكتەپ اۋماعى قورشاۋعا الىنىپ, وقۋشىلار, وقىتۋشىلار قۇرامى مەن مەكتەپ اكىمشىلىگى ەۆاكۋاتسيالاندى.
ناتيجەسىندە, جارىلىس تەحنيكتەرى مەن كينولوگتار مەكتەپ اۋماعىندا جارىلعىش قۇرىلعىلار جوق ەكەنىن انىقتادى.
كەيىنىرەك قالانىڭ باسقا وقۋ ورىندارىنا ۇقساس حابارلاما تۇسە باستادى, وندا ءتيىستى تەكسەرۋلەر جۇرگىزىلىپ جاتىر.