سولتۇستىك قازاقستان وبلىسىندا پاتەر ۇرلىعى ەداۋىر ازايعان. جەرگىلىكتى پوليتسەيلەردىڭ ايتۋىنشا, ۇرلىقتىڭ الدىن الۋدا كاسىبي كۇزەت قىزمەتى مەن بەينەباقىلاۋ كامەرالارىنىڭ كومەگى زور.
كۇزەت قىزمەتىن باقىلاۋ ءبولىمىنىڭ باستىعى رۋسلان دانياروۆتىڭ ايتۋىنشا, ادامداردىڭ باسىم بولىگى تۇرعىن ءۇيدى قىلمىستىق قولسۇعۋشىلىقتان قورعاۋ تاسىلدەرى تۋرالى بىلە بەرمەيدى. وبلىستا مۇنداي قىزمەتتى 14 جەكە كۇزەت قۇرىلىمى كورسەتەدى ەكەن. ولار قىزمەتتەرىن قولجەتىمدى ەتۋگە تىرىسادى, كوبى پاتەرلەردى بەلگىلى ءبىر مەرزىمگە كۇزەتكە الۋعا دايىن, ماسەلەن, ەڭبەك دەمالىسى كەزەڭىندە.
– پاتەر ۇرلىعىنىڭ سانىن ازايتۋ – سولتۇستىك قازاقستان وبلىسى پوليتسيا دەپارتامەنتىنىڭ 2021-2023 جىلدارعا ارنالعان م ۇلىكتى قورعاۋ جونىندەگى باعدارلاماسىنىڭ ماڭىزدى باعىتتارىنىڭ ءبىرى. ونى جۇزەگە اسىرۋ شەڭبەرىندە حالىقپەن اقپاراتتىق جۇمىس جۇرگىزىلەدى. قازىرگى ۋاقىتتا وبلىستا 1 173 پاتەر مەن ءۇي كۇزەتىلۋدە, ولاردىڭ 1 151-ءى ورتالىقتاندىرىلعان باقىلاۋ پۋلتىنە قوسىلعان. اتالعان وبەكتىلەردە بىردە-ءبىر پاتەر ۇرلىعى تىركەلگەن جوق, – دەدى رۋسلان دانياروۆ.
كريمينالدىق پوليتسيا قىزمەتكەرلەرى سولتۇستىك قازاقستان وبلىسىندا پاتەر ۇرلىعىنىڭ ازايعانىن اتاپ ءوتتى. 9 ايدىڭ ىشىندە وسىنداي 290 قىلمىس تىركەلگەن, ونىڭ ىشىندە اۋىر ساناتتاعى (زاڭسىز كىرۋمەن بايلانىستى) – 84. وتكەن جىلدىڭ ۇقساس كەزەڭىندە 391 پاتەر ۇرلىعى تىركەلگەن, ونىڭ ىشىندەگى 91-ءى اۋىر ساناتقا جاتادى. ۇرلىقتىڭ ازايۋى – 25,8 پايىز, پاتەر ۇرلىعىنىڭ اشىلۋى 79,3 پايىزدى قۇرادى. پوليتسەيلەر مۇمكىندىگىنشە كاسىبي كۇزەتشىلەردىڭ قىزمەتىن پايدالانۋعا, كوپپاتەرلى ۇيلەردىڭ كىرەبەرىسى مەن اۋلالاردا بەينەباقىلاۋ كامەرالارىن ورناتۋعا, مىقتى ق ۇلىپتاردى پايدالانۋعا, ءبىرىنشى قاباتتاعى تۇرعىندارعا تەرەزەلەرگە تەمىر تورلاردى ورناتۋعا كەڭەس بەرەدى.