بۇل باستامانى بيزنەس-قوعامداستىقتىڭ وكىلدەرى «اتامەكەن» ۇكپ الاڭىندا تىكەلەي ەفير بارىسىندا تالقىلادى, دەپ حابارلايدى Egemen.kz.
ەندى كابەل ارنالارىن جوبالاۋ جانە سالۋ كەزىندە مونوپوليست نارىقتىڭ باسقا قاتىسۋشىلارىنا 25% بوس ورىن قالدىرۋى كەرەك. بۇل رەتتە مەنشىك قۇقىعى مەملەكەتتىك ورگانداردا نەمەسە مەملەكەتتىك ۇيىمداردا قالادى.
«نارىق وكىلدەرى ۇسىنعان بۇل باستامانى مەملەكەتتىك ورگان قولدادى. جاقىن ارادا ونى ەرەجەگە ەنگىزۋ جوسپارلانعان. اقپاراتتىق-كوممۋنيكاتسيالىق تەحنولوگيالار سالاسىندا بىرىڭعاي تالاپتار مەن اقپاراتتىق قاۋىپسىزدىك شەڭبەرىندە مونوپوليست وسى شارتتى ساقتاماسا جاۋاپكەرشىلىككە تارتىلادى. سۋبەكتيۆتى سيپاتتاعى تالاپتار انىقتالدى, مىسالى, مينيسترلىكتىڭ قولداۋىمەن الىنىپ تاستالاتىن باعدارلامالىق قامتاماسىز ەتۋدى پايدالانۋدىڭ سەنىمدىلىگى, سۇيەمەلدىلىگى, ىڭعايلىلىعى», دەدى «اتامەكەن» قر ۇكپ ادامي كاپيتالدى دامىتۋ دەپارتامەنتىنىڭ باسقارۋشى ديرەكتورى ازامات بەيسەنبەنوۆ.
قازىرگى كەزدە ەلدەگى جەراستى كابەل جولدارىنىڭ 80 پايىزى «قازاقتەلەكومعا» تيەسىلى. بۇل كابەلدەرگە قولجەتىمدىلىك باسقا وپەراتورلار ءۇشىن شەكتەلگەن.