الەم مويىنداعان يمانبەك

ابايشا ايتقاندا, «ونەرگە اركىمنىڭ-اق بار تالاسى». تەمىرجولشى يمانبەك زەيكەنوۆ مۋزىكامەن ماقساتتى تۇردە اينالىسپاسا دا ىقىلاسى بالا كەزىنەن بار-تىن. 2000 جىلى پاۆلودار وبلىسىندا دۇنيەگە كەلگەن جاس تالانتتىڭ ونەرگە دەگەن ال­عاشقى قىزىعۋشىلىعى سە­گىز جاسىندا اكەسى سىي­لاعان گيتارادان باستالىپتى. ال كەيىننەن جوعارى ەلەكترونيكا جانە كوممۋنيكاتسيالار كوللەدجىندە وقىپ ءجۇرىپ, اقسۋ تەمىرجول ستانساسىندا قاتار جۇمىس ىستەگەن يمانبەك, ارينە, ءدال بۇگىنگىدەي اتاق-داڭققا يە بولارىن ول كەزدە سەزگەن جوق. سوندا دا بوس ۋاقىتىندا مۋزىكامەن اۋەستەندى: ىزدەندى, وقىدى, ۇيرەندى, ەڭ باستىسى, تالانتىنا تالابى ساي كەلدى.

مۋزىكادا رەميكس دەگەن جانر بار. ياعني مۋزىكالىق شىعار­مانىڭ باستاپقى تۇپنۇس­قادان كەيىنىرەك جانە قازىرگى زامانعى تەحنيكانىڭ كومەگىمەن جازىلعان نۇسقاسى. كەيدە ول تۇپنۇسقا شى­عارمانىڭ بىر­نەشە بولىگىن «ارالاستىرۋ», ونى ءارتۇرلى دى­بىسپەن قا­باتتاۋ, ارنايى ەف­فەكتىلەر, ىرعاقتى, پەرنەنى جانە باسقا ەلە­مەنتتەرىن وزگەرتۋ ارقىلى جاسالادى. يمانبەك 17 جاسىنان باس­تاپ وسى رەميكس جاساۋ­دى قولعا الادى. العاشقىدا رەسەيلىك Effective Records لەيبلى ارقىلى اتاق­تى امەريكالىق رەپەردىڭ «Roses» انىنە بەيرەسمي رەميكس جاساعان ء(اننىڭ ءوزى 2016 جىلى جارىققا شىققان). رەميكس Saint Jhn قاتىسۋىنسىز جاسالدى, ويت­كەنى رەپەرمەن بايلانىسا المادى. بۇل 2019 جىل ەدى.

رەميكس جاسالعان ءان رەسەي, ۋكراينا, بەلورۋسسيانىڭ حيت-شەرۋلەرىن جارىپ شىعادى, وتان­دىق ارنالار بىرىنەن كەيىن ءبىرى جاڭا جۇلدىز تۋرالى سيۋ­جەتتەر جاساي باستايدى. بۇ­دان سوڭ «Roses» Shazam الەم­دىك رەيتينگىسىندە №1 ورىندى يەلەندى. امەريكالىق Bill­board چارتىندا توپ-25 ءان­نىڭ قاتارىنا كىردى. ارينە, بۇل – قازاق­ستاندىق مۋزىكانتتار ءۇشىن ۇلكەن جاڭالىق. ويتكەنى يمانبەك – بۇل چارتقا ىلىنگەن العاشقى قازاق.

«Roses», الدىمەن, تمد كو­لەمىندە عانا تانىمال بولدى. 2019 جىلدىڭ سوڭىنا قاراي گرە­كيا, پولشا, تۇركياعا جەتتى. ال 2020 جىلى ترەك باتىس ەۋ­روپا مەن امەريكانى بيلەتتى. گەرمانيا مەن ۇلىبريتانيادا 1-ورىندا تۇرسا, امەريكادا ۇزدىك توپ-50 قاتارىنا كىرەدى. وسىلايشا, جاس قازاق جازعان رەميكس ءان تىڭدايتىن تۇگەل جۇرتتى شارلاپ كەتە بەردى. اتاق تا, داڭق تا, قوشەمەت تە دۇنيە ءجۇزىنىڭ ءار تاراپىنان جاۋىپ جاتتى.

ء«اننىڭ باعىن ءانشى اشادى» نەمەسە ء«انشىنىڭ باعىن ءان اشادى» دەگەن وسى بولار, ءسىرا. ءبىر سۇحباتىندا: «شىندىعىن ايتۋ كەرەك, مەنىڭ مۋزىكالىق ءبىلىمىم جوق. بىراق ءاندى جان-جۇرەگىممەن تىڭداپ, وعان رەميكس جازامىن. اتا-انام ءاربىر جەتىستىگىمە قۋانىپ, تىلەكشى بولىپ جۇرەدى. ول كىسىلەردىڭ ريزاشىلىعى مەنى شابىتتاندىرادى. ماعان ءارتۇرلى مەملەكەتتەن ءتۇرلى ۇسىنىس ءتۇسىپ جاتادى. كوبىنە دوستارىممەن, جاقىندارىممەن اقىلداسىپ ءبىر شەشىم قابىلدايمىن. ال­عاشقى جازعان رەميكسىم ءوزىن-ءوزى تانىتتى دەپ ايتا الامىن. ويتكەنى ول ءتۇرلى تانىمال توپ­تاردىڭ بولىسۋىمەن كەڭ تارادى», دەگەن يمانبەك قازىر مۋ­زىكاعا تولىعىمەن بەت بۇردى. كاسىبي تۇردە اينالىسادى. ول ءوزىنىڭ اۆتورلىق ترەكتەرىن دە شىعارىپ ۇلگەردى. قازاقستاندا, رەسەيدە, ۋكراينادا Imanbek Music لەيبلىمەن بەلگىلى قازاق پروديۋسەرى جانە حاۋس-مۋزى­كا رەميكسەرى جاساعان تۋىندى­لاردىڭ ىشىندە شوقتىعى بيىگى دە از ەمەس. ماسەلەن, «Take Me» (O’Neill-مەن بىرگە), «Hot» (Parah Dice-پەن بىرگە), «Smoke It Up» (Stephanskiy-مەن بىرگە), «Dope», «Clandestina» (with FILV & Edmofo featuring Emma Peters), «Romantic Dance» (DJ DmimixeR feat. MURANA) جانە تاعى دا باسقالارى.

كەيىپكەرىمىز 2019 جىلى «قا­زاقستاننىڭ 100 جاڭا ەسىمى» مەم­لەكەتتىك جوباسىنىڭ جەڭىم­پازى اتانىپ, «مادەنيەت» اتالىمىندا ءبىرىنشى ورىنعا يە بولعانى ەسىمىزدە.

بايقاساق, يمانبەكتىڭ ەسى­مى­مەن بىرگە العاشقى دەگەن ءسوزدى ءجيى ايتادى ەكەنبىز. ءيا, ونىڭ Saint JHN ورىندايتىن «Roses» انىنە جاساعان رەميكسى امەريكالىق دىبىس جازۋ ونەرى جانە عىلىم اكادەمياسى ۇيىم­­داستىراتىن «گرەممي» سىي­لىعىنا ۇسىنىلىپ, «Best Remixed Recording» اتالىمىن جە­ڭىپ الدى. «گرەمميدى» العان ال­عاشقى قازاق.

«گرەمميگە» ۇسىنىلعان «Ro­ses» 20 اپتا بويى Billboard چار­تىندا, Apple Music رەيتين­گىسىندە توپ-10 ىشىنە كىردى. The Weeknd, Dua Lipa, Billie Eillish, Roddy Ricch, Justin Bieber سىندى ايگىلى انشىلەردى باسىپ وزىپ, بىر­نەشە چارتتا وق بويى وزىق تۇردى. مۇندا دا چارتقا ىلىنگەن العاشقى قازاق.