مەملەكەت باسشىسىنىڭ تاپسىرماسى بويىنشا ۇلتتىق قاۋىپسىزدىك كوميتەتى ۇيىمداسقان قىلمىستىڭ ەلىمىزدەگى الەۋمەتتىك-ەكونوميكالىق جاعدايعا اسەرىن تومەندەتۋ بويىنشا ءتيىستى شارالار كەشەنىن جۇرگىزىپ جاتىر, دەپ حابارلايدى Egemen.kz ۆەدومستۆو سايتىنا سىلتەمە جاساپ.
2022 جىلدىڭ 11 قازانىندا الماتى, اقتاۋ, ماڭعىستاۋ وبلىسىنىڭ بەينەۋ جانە اقجىگىت كەنتىندە قوعامعا قاۋىپتى «بەينەۋلىكتەر» قىلمىستىق توبىن ۇستاۋ بويىنشا ارنايى وپەراتسيا ءوتتى.
«توپ مۇشەلەرى قازاقستان مەن وزبەكستان اراسىنداعى «تاجەن» وتكىزۋ پۋنكتىندە شەتەلدىكتەر مەن جەكە تاسىمالداۋشىلاردان جۇيەلى تۇردە اقشا بوپسالاعانى جانە باسقا دا اۋىر قىلمىستارعا قاتىسى بارى انىقتالدى. ارنايى وپەراتسيا بارىسىندا قىلمىستىق توپ باسشىسى مەن 5 قاتىسۋشى ۇستالدى», دەلىنگەن حابارلامادا.
ۇستالعاندارعا قاتىستى قاماۋدا ۇستاۋ بۇلتارتپاۋ شاراسى بەكىتىلدى.