ءماجىلىس 2022 جىلدىڭ 4-7 قاڭتار ارالىعىندا قىلمىستىق قۇقىق بۇزۋشىلىق جاساعاندارعا راقىمشىلىق جاساۋ تۋرالى زاڭدى قابىلدادى, دەپ حابارلايدى Egemen.kz.
«قىلمىستىق قۇقىق بۇزۋشىلىقتار, ونشا اۋىر ەمەس جانە ورتاشا اۋىرلىقتاعى قىلمىستار جاساعان تارتىپسىزدىكتەرگە قاتىسۋشىلارعا قاتىستى قىلمىستىق ىستەر توقتاتىلادى, ولار ءۇشىن سوتتالعاندار جازادان بوساتىلادى, ال جازاسىن وتەگەندەردىڭ سوتتىلىعى الىنىپ تاستالادى», دەلىنگەن كوميتەتتىڭ زاڭناما جانە سوت-قۇقىقتىق رەفورما تۋرالى قورىتىندىسىندا.
اۋىر قىلمىس جاساعانداردىڭ جازاسى سوت تاعايىنداعان مەرزىمنىڭ تورتتەن ۇشiنە, اسا اۋىر قىلمىستار ءۇشىن - ەكi ەسەگە قىسقارتىلادى.
ال تەرروريستىك, ەكسترەميستىك, سىبايلاس جەمقورلىق, مەملەكەتكە وپاسىزدىق جاساۋ, جاپپاي تارتىپسىزدىكتەر ۇيىمداستىرۋ, ازاپتاۋ سىندى قىلمىس جاساعاندار بۇل امنيستياعا ىلىنبەيدى.