قازاقستاننىڭ يسپانياداعى جانە اندورراداعى قوسا اقتارۋشى ەلشىسى كونستانتين جيگالوۆ پەن اندوررا كنيازدىگىنىڭ سىرتقى ىستەر ءمينيسترى ماريا ۋباح بەينەكونفەرەنتسيا وتكىزدى, دەپ حابارلايدى Egemen.kz.
وندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ قىركۇيەكتە وتكەن بۇۇ باس اسسامبلەياسىنىڭ 77-ءشى سەسسياسى اياسىندا اندوررا ۇكىمەتىنىڭ باسشىسى شاۆەر ەسپوتپەن كەزدەسۋىنىڭ قورىتىندىلارىن, سونداي-اق 2022 جىلعى تامىز ايىندا ورىن العان اندوررا سىرتقى ىستەر مينيسترلىگى باسشىسىنىڭ قازاقستانعا ءبىرىنشى رەسمي ساپارىن تالقىلادى.
تاراپتار بيىلعى جىل ەكىجاقتى قارىم-قاتىناستار ءۇشىن سەرپىلىس بەرگەن جىل ەكەنىن اتاپ ءوتتى. اتاپ ايتقاندا, ەكى ەل تاريحىندا العاشقى ەكىجاقتىق ۇكىمەتارالىق كەلىسىمگە قول قويىلدى.
«قازاقستان مەن اندوررا حالىقارالىق قۇرىلىمداردا ءبىر-بىرىنە ءوزارا قولداۋ كورسەتۋدى جالعاستىرۋدا جانە دامۋعا كومەك كورسەتۋ سالاسىندا بىرلەسكەن كۇش-جىگەردىڭ مۇمكىندىكتەرىن پىسىقتاۋعا نيەتتى», دەپ جازىلعان ءسىم تاراتقان اقپاراتتا.