قازاقستان پرەزيدەنتىنىڭ باستاماسىمەن تمد-دا باقىلاۋشى جانە ارىپتەس مارتەبەسىن بەلگىلەۋ بويىنشا قۇجاتتاردى دايىنداۋ جۇمىستارى باستالادى. بۇل تۋرالى پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى ايتتى, دەپ حابارلايدى Egemen.kz.
«بۇل باستاما دوستاستىق جۇمىسىنا باسقا ەلدەر مەن حالىقارالىق ۇيىمداردى تارتۋعا مۇمكىندىك بەرەدى», دەدى مۇحتار تىلەۋبەردى تمد مەملەكەت باسشىلارى كەڭەسىنىڭ وتىرىسىندا وتكەن بريفينگتە.
ءسىم باسشىسىنىڭ ايتۋىنشا, ادام قۇقىقتارى مەن بوستاندىقتارىن قورعاۋ سالاسىنداعى ىنتىماقتاستىقتى نىعايتۋ ماقساتىندا تمد-نىڭ ادام قۇقىقتارى جونىندەگى كوميسسياسى تۋرالى جاڭا ەرەجە قابىلدانعان.
ء«سامميتتىڭ باسقا شەشىمدەرىنىڭ قاتارىندا ەكى حالىقارالىق شارتقا قول قويۋ بار. بۇل تمد-عا قاتىسۋشى مەملەكەتتەردىڭ سايلاۋ ورگاندارى باسشىلارىنىڭ كونسۋلتاتيۆتىك كەڭەسىن قۇرۋ تۋرالى كەلىسىم جانە سىبايلاس جەمقورلىققا قارسى ءىس-قيمىل سالاسىنداعى ىنتىماقتاستىق تۋرالى كەلىسىم», دەدى م. تىلەۋبەردى.
بۇدان بۇرىن حابارلانعانداي, قازاقستان پرەزيدەنتى قاسىم-جومارت توقاەۆتىڭ توراعالىعىمەن تمد-عا مۇشە مەملەكەتتەردىڭ مەملەكەت باسشىلارى كەڭەسىنىڭ شاعىن جانە كەڭەيتىلگەن قۇرامداعى وتىرىسى ءوتتى.