شىعىس قازاقستاندا ءالى دە الپاۋىت ورتپەن كۇرەس ءجۇرىپ جاتىر. بۇگىنگە دەيىن ءورت 140 گەكتاردى شارپىعان, دەپ حابارلايدى Egemen.kz.
شىعىس قازاقستان ورمان شارۋاشىلىعى ينسپەكتسياسىنىڭ حابارلاۋىنشا, بۇگىنگە دەيىنگى ءورت شىعىنى – 1 ميلليارد 63 ميلليون 500 مىڭ تەڭگەنى قۇراپ وتىر.
تاۋەلسىز ەكولوگتار قاساقانا ورتەۋ فاكتىلەرى بولۋى مۇمكىن دەيدى. بۇل تۋرالى «ەكولوگيالىق پاترۋل» جوباسىنىڭ جەتەكشىسى ەلەنا پوليانتسەۆا استانا تۆ-عا بەرگەن سۇحباتىندا ايتتى.
«كامەننىي كارەردەگى ورتكە قاراساق, ول قاساقانا بولۋى مۇمكىن. تۇنگى ساعات ۇشتە باستالعان ورتكە, كۇن ءتۇستى دەپ ايتا المايمىز, مۇندا ادامي فاكتور باسىم», دەدى ەلەنا پوليانتسەۆا.