بۇگىن ەلوردادا وتكەن اوسشك VI ءسامميتى كەزىندە مۇشە مەملەكەتتەر بىرقاتار قۇجاتتاردى قابىلدادى, دەپ حابارلايدى Egemen.kz.
سامميت شەڭبەرىندە ەلدەر مەن مەملەكەتتەر تاراپىنان ازياداعى ءوزارا ءىس-قيمىل جانە سەنىم شارالارى جونىندەگى كەڭەستى بەكىتۋ ماقساتىن كوزدەيتىن قۇجاتتار ۇسىنىلدى.
«اوسشك ترانسفورماتسياسىنا قاتىستى قۇجاتتاردى قابىلداۋعا قارسىلىق بار ما؟ ەشقانداي قارسىلىق جوق. اوسشك ترانسفورماتسياسى تۋرالى استانالىق مالىمدەمە قابىلداندى دەپ ەسەپتەلەدى», دەدىمەملەكەت باسشىسى قاسىم-جومارت توقاەۆ.
سامميت كەزىندە اوسشك كوشباسشىلارىنىڭ قاۋىپسىزدىك جانە اقپاراتتىق-كوممۋنيكاتسيالىق تەحنولوگيالاردى پايدالانۋ سالاسىنداعى ىنتىماقتاستىق تۋرالى مالىمدەمەسىنىڭ جوباسى قابىلدانلدى.
سونداي-اق, اوسشك ەلدەرىنىڭ كوشباسشىلارى اوسشك قورىن قۇرۋعا قاتىستى قۇجات پەن تەرروريزمگە قارسى بۇۇ قارارىن جۇزەگە اسىرۋ بويىنشا اوسشك ءىس-قيمىل جوسپارى قابىلداندى.
ەسكە سالا كەتسەك, بۇگىن استانادا قازاقستان پرەزيدەنتى قاسىم-جومارت توقاەۆتىڭ توراعالىعىمەن كەڭەستى شاقىرۋ باستاماسىنىڭ 30 جىلدىعىنا وراي اوسشك-ءنىڭ VI ءسامميتى باستالدى.
جيىنعا 11 ەلدىڭ مەملەكەت باسشىلارى قاتىسىپ جاتىر. ولار: ازەربايجان, يراك, يران, قىرعىزستان, پالەستينا, تاجىكستان, رەسەي, تۇركيا, وزبەكستان, كاتار, بەلارۋس.
سونداي-اق, ەلورداعا ۆەتنامنىڭ ۆيتسە-پرەزيدەنتى, قحر توراعاسىنىڭ ورىنباسارى جانە بەس مينيستر كەلدى.