قازاقستاندىق تەننيسشى, الەمنىڭ 43-راكەتكاسى الەكساندر بۋبليك فلورەنتسيادا (يتاليا) ءوتىپ جاتقان ATP 250 ءتۋرنيردىڭ ەكىنشى اينالىمىندا فرانتسيالىق كورەنتين موۋتەنى (69-ورىن ATP) جەڭدى, دەپ حابارلايدى Egemen.kz.
1 ساعات 26 مينۋتقا سوزىلعان كەزدەسۋ 7:5, 6:4 ەسەبىمەن اياقتالدى. شيرەك فينالدا الەكساندر امەريكالىق دجون ۆولفپەن كەزدەسەدى.
ەسكە سالساق, قازاقستاننىڭ ءبىرىنشى راكەتكاسى الەكساندر بۋبليك ءبىرىنشى اينالىمداعى كەزدەسۋدە چيلي وكىلى كريستيان گاريندى 7-5, 6-2 ەسەبىمەن ۇتقان ەدى.