قازاقستاندا «7-20-25» يپوتەكالىق باعدارلاماسىنىڭ بالاماسى ىسكە قوسىلادى. بۇل تۋرالى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ مالىمدەدى, دەپ حابارلايدى Egemen.kz.
مينيستر جەڭىلدىكتى يپوتەكالىق باعدارلاما الداعى ۋاقىتتا تانىستىرىلاتىنىن اتاپ ءوتتى.
«جاقىندا تانىستىرامىز. ەڭ باستىسى, باستاپقى جارنا مەن قول جەتىمدى مولشەرلەمە بولۋى كەرەك. قول جەتىمدى مولشەرلەمە - 7%. قايتالاما تۇرعىن ءۇي ۇلكەن سۇرانىسقا يە. بىراق ءبىز ءالى دە 7%-دان اسىپ كەتپەۋگە تىرىسامىز», دەدى ول ۇكىمەت وتىرىسىنان كەيىن تىلشىلەردىڭ سۇراقتارىنا جاۋاپ بەرە وتىرىپ.