پرەزيدەنتتىككە تاعى ءبىر ۇمىتكەر ۇسىنىلدى

2022 جىلعى 10 قازاندا قازاقستان رەسپۋبليكاسىنىڭ ورتالىق سايلاۋ كوميسسياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 54 جانە 55-باپتارىنا, سونداي-اق «قازاقستان رەسپۋبليكاسى پرەزيدەنتىنىڭ 2022 جىلعى 20 قاراشاعا تاعايىندالعان كەزەكتەن تىس سايلاۋى بويىنشا سايلاۋ قۇجاتتارىنىڭ نىساندارىن بەلگىلەۋ تۋرالى» قازاقستان رەسپۋبليكاسى ورتالىق سايلاۋ كوميسسياسىنىڭ 2022 جىلعى 23 قىركۇيەكتەگى № 67/545 قاۋلىسىنا سايكەس جۇماتاي اليەۆتىڭ «حالىق دەموگرافياسى» قوعامدىق بىرلەستىگىنەن قازاقستان رەسپۋبليكاسىنىڭ پرەزيدەنتتىگىنە كانديدات بولىپ ۇسىنىلعانى تۋرالى كەلەسى قۇجاتتارى ۇسىنىلدى:

1. «حالىق دەموگرافياسى» قوعامدىق بىرلەستىگىنىڭ جوعارى ورگانى وتىرىسىنىڭ قازاقستان رەسپۋبليكاسىنىڭ پرەزيدەنتتىگىنە ۇسىنۋ تۋرالى حاتتاماسىنان ءۇزىندى;

2. ج. اليەۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات بولۋعا كەلىسىمى تۋرالى ومىرباياندىق دەرەكتەرى قوسا بەرىلگەن ءوتىنىشى;

3. قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات;

4. جەكە باسىن كۋالاندىراتىن قۇجاتتىڭ كوشىرمەسى;

5. جوعارى ءبىلىمى تۋرالى ديپلومدارىنىڭ كوشىرمەلەرى.