شۋ اۋدانىنىڭ اۋماعىنداعى «شۋ-مەركى» تاس جولىنان 20 شاقىرىم جەردەگى قۇمعا ايماقتا 50 جاستاعى تۇرعىنىنان جالپى سالماعى 38 كەلىدەن اساتىن «كاننابيس وسىمدىگى» تابىلىپ, تاركىلەندى, دەپ حابارلايدى Egemen.kz.
«ۇستالعان ازامات كىناسىن مويىندادى. ول شۋ قالاسىنىڭ ۋاقىتشا ۇستاۋ يزولياتورىندا وتىر. وسى دەرەككە قاتىستى قر قىلمىستىق كودەكسىنىڭ 296-بابى 4-بولىگى (ەسىرتكى قۇرالدارىن اسا ءىرى مولشەردە زاڭسىز ساقتاۋ) بويىنشا سوتقا دەيىنگى تەرگەۋ امالدارى باستالدى. بۇل باپ بويىنشا 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلادى», دەدى وبلىستىق پد ەسىرتكى قىلمىسىنا قارسى ءىس- قيمىل باسقارماسىنىڭ باستىعى اسقار جۇمابەكوۆ.