اتىراۋداعى ەمحانالار ەلگە كەلگەن رەسەيلىكتەرگە جۇمىس پەن باسپانانى قامتاماسىز ەتۋگە دايىن ەكەنىن جەتكىزدى, دەپ حابارلايدى «اق جايىق».
«مەنىڭ تۇسىنۋىمشە, كوبى اتىراۋدى ترانزيتتىك نۇكتە رەتىندە قاراستىرادى جانە بۇل جەردە ۇزاق تۇرۋدى جوسپارلامايدى. ال بىزگە تەراپەۆت, پەدياتر, ۋدز, جالپى تاجىريبەلىك دارىگەرلەر سىندى ماماندار قاجەت. ءبىز شەتەلدىك مامانداردى شاقىرۋ ءۇشىن بارلىق قاجەتتى تولەمدەردى جاساۋعا, ولاردى باسپانامەن قامتاماسىز ەتۋگە دايىنبىز. نوستريفيكاتسيادان وتكەن, ءتيىستى سەرتيفيكاتتارى بار جاقىن جانە الىس شەتەل دارىگەرلەرى ءبىزدىڭ ەمحانادا بىرنەشە جىلدان بەرى جۇمىس ىستەيدى», دەدى اتىراۋداعى «ينتەرتيچ» ايماقتىق وكىلدىگىنىڭ ديرەكتورى ناتاليا ماندروۆنا.
وبلىستىق دەنساۋلىق ساقتاۋ باسقارماسىنىڭ مالىمەتىنشە, ەمحانالار مەن اۋرۋحانالارعا ۇسىنىستار مەن وتىنىشتەر تۇسكەن جوق.
«ارحيمەديس» ەمحاناسى ۋدز دارىگەرىن, گينەكولوگتاردى, جالپى تاجىريبەلىك دارىگەرلەردى كەزەكشى جۇمىسقا الۋعا دايىن. «مەديكەر جايىق» جشس-نە دە ەندوكرينولوگ, كارديولوگ جانە باسقا دا ماماندار قاجەت.
«سوڭعى وقيعالاردان كەيىن, رەسەيدەن كەلگەن دارىگەرلەر بىزگە تۇيىندەمەلەردى جىبەرۋدە, بىراق ءبىز ءالى ولارمەن سۇحبات وتكىزگەن جوقپىز. كەيبىر تۇيىندەمەلەردە كورسەتىلگەن تەلەفون نومىرلەرى ءوشىرۋلى. ال ەندى ءبىرى قازاقستاننىڭ باسقا قالاسىندا», دەيدى ن.ماندروۆنايا.
جانسايا ءانۋار